OpenAI абнавіла GPT-4o, але як — не кажа

«Ад мінулага тыдня ў ChatGPT з’явілася новая мадэль GPT-4o. Спадзяемся, яна вам ужо прыпала да густу — паспрабуйце, калі яшчэ не зрабілі гэтага. Думаем, вам спадабаецца!», — паведаміў афіцыйны акаўнт чат-бота ў X. У карпаратыўным блогу OpenAI напісала, што гэта не новая мадэль, а абнаўленне існай.

«Хоць мы і хацелі б расказаць вам, чым менавіта адрозніваюцца адказы мадэлі, вывучэнне таго, як дэталёва супастаўляць і расказваць пра паляпшэнні мадэлі, застаецца ў сферы даследаванняў (над якой мы працуем!)», — сказана ў паведамленні кампаніі.

Карыстальнікі адзначылі, што якасць адказаў ChatGPT сапраўды палепшылася, а таксама запрацавала генерацыя выяў з дапамогай самой CPT-4o. раней для генерацыі выкарыстоўвалася асобная мадэль DALL-E 3. Цяпер GPT-4o лепш разумее тэкставыя падказкі на малюнку, дакладней і рэалістычней стварае тэкст. Аднак абноўленая мадэль пакуль недаступная для распрацоўшчыкаў праз API.