OpenAI збіраецца закрыць доступ да API ChatGPT для кампаній з Кітая і шэрагу іншых краін. Іх ужо актыўна спрабуюць прыцягнуць распрацоўшчыкі мясцовых аналагаў чат-бота.
OpenAI збіраецца закрыць доступ да API ChatGPT для кампаній з Кітая і шэрагу іншых краін. Іх ужо актыўна спрабуюць прыцягнуць распрацоўшчыкі мясцовых аналагаў чат-бота.
Пра планы амерыканскай кампаніі ўчора паведаміла дзяржаўная кітайская газета Securities Times. ChatGPT не працуе на мацерыковым Кітаі, але многія кітайскія стартапы маюць доступ да API і выкарыстоўваюць яго для стварэння ўласных АІ-праграм.
«Мы прымаем дадатковыя меры па блакаванні трафіку API з рэгіёнаў, дзе не падтрымліваюцца сэрвісы OpenAI», — заявіла кампанія ў каментары Reuters.
Ад панядзелка кітайскія карыстальнікі платформы сталі атрымліваць па электроннай пошце папярэджанні аб тым, што яны знаходзяцца ў «рэгіёне, які OpenAI ў цяперашні час не падтрымлівае», і што яна пачне блакаваць трафік з такіх зон 9 ліпеня.
На гэта хутка адрэагавалі найбуйнейшыя кітайскія АІ-распрацоўшчыкі. Baidu запускае «інклюзіўную праграму» з бясплатнай міграцыяй на яе фірмовую платформу Ernie для новых карыстальнікаў. Юзерам OpenAI дадуць дадатковыя токены для працы з флагманскай мадэллю Ernie 3.5 у адпаведнасці з маштабам іх выкарыстання ў OpenAI. Бясплатныя токены і дапамогу з міграцыяй карыстальнікам API OpenAI прапанавалі і ў Alibaba Cloud. Там адзначаюць, што фірмовая мадэль Qwen каштуе нашмат танней за GPT-4. Таксама спецпраграму для карыстальнікаў OpenAI анансавала кампанія Zhipu AI.
Рэлацыраваліся? Цяпер вы можаце каментаваць без верыфікацыі акаўнта.