Кампанія апублікавала некалькі ролікаў, створаных з дапамогай відэагенератара на аснове АІ Sora. Мадэль стварае ролікі па тэкставым апісанні і пакуль недаступная для публікі.
Кампанія апублікавала некалькі ролікаў, створаных з дапамогай відэагенератара на аснове АІ Sora. Мадэль стварае ролікі па тэкставым апісанні і пакуль недаступная для публікі.
OpenAI дала доступ да Sora прафесіяналам: кінематаграфістам, мастакам, рэкламшчыкам і музыкам. «Хоць нам трэба будзе ўнесці ў Sora мноства паляпшэнняў, мы ўжо маем уяўленне аб тым, як гэтая мадэль здольная дапамагчы творчым асобам увасобіць ідэі ў рэальнасць», — заявіў прадстаўнік кампаніі.
Паводле даных Bloomberg, OpenAI ужо правяла некалькі сустрэч з галівудскімі кінематаграфістамі, каб павысіць цікавасць да выкарыстання Sora ў кінавытворчасці. Аднак прадстаўнікі індустрыі не спяшаюцца супрацоўнічаць з распрацоўшчыкам, выказваюцца асцярогі, што тэхналогія можа прывесці да значных скарачэнняў і змены ўсяго працэсу здымак.
Акрамя таго, пытанні выклікаюць даныя, на якіх вучылася мадэль. Сама OpenAI адмаўляецца казаць, на якіх менавіта даных гэта адбывалася. Тэхнічная дырэктарка кампаніі Міра Мураці туманна паведаміла, што гэта былі агульнадаступныя і ліцэнзаваныя даныя, а таксама відэазапісы, атрыманыя ў рамках пагаднення з Shutterstock.
Рэлацыраваліся? Цяпер вы можаце каментаваць без верыфікацыі акаўнта.