Запуск карпаратыўных інструментаў OpenAI выклікаў нечаканыя наступствы для рынку. Пасля публікацыі паста кампаніі аб тым, як яна выкарыстоўвае ўласныя ШІ-праграмы, інвестары масава распрадаюць акцыі буйных распрацоўшчыкаў карпаратыўнага софту.
Запуск карпаратыўных інструментаў OpenAI выклікаў нечаканыя наступствы для рынку. Пасля публікацыі паста кампаніі аб тым, як яна выкарыстоўвае ўласныя ШІ-праграмы, інвестары масава распрадаюць акцыі буйных распрацоўшчыкаў карпаратыўнага софту.
У цэнтры ўвагі апынуўся інструмент DocuGPT — унутраная распрацоўка OpenAI для аўтаматызацыі працы з кантрактамі. Хаця па сутнасці гэта толькі дэманстрацыйны праект, заснаваны на публічным API ChatGPT, інвестары ўспрынялі яго як пагрозу для такіх гульцоў, як DocuSign, Salesforce і HubSpot.
Акцыі DocuSign абрынуліся на 12%, HubSpot страціў каля 50 пунктаў, а Salesforce таксама паказала зніжэнне. Кіраўнік DocuSign Алан Тыгсен прызнаў, што назва «DocuGPT» выклікала ў яго лёгкае раздражненне, але не страх: «Гэта відавочная дэманстрацыя, і яна не ўяўляе пагрозы нашаму бізнесу», — заявіў ён.
Salesforce паспяшалася заявіць, што не разглядае OpenAI як суперніка. «Гэта не супрацьстаянне, а партнёрства», — сказаў прадстаўнік кампаніі Валмік Дэсаі, падкрэсліўшы, што буйным прадпрыемствам усё роўна патрэбны ўстойлівыя рашэнні з надзейнымі абмежавальнікамі і структурай.
Паводле слоў аналітыкаў, OpenAI не прадставіла нічога прынцыпова новага: кампанія толькі паказала, як унутры выкарыстоўвае ШІ-асістэнтаў для продажаў, кліенцкай падтрымкі і апрацоўкі зваротнай сувязі. Аднак сам факт, што OpenAI выйшла на тэрыторыю карпаратыўнага софту, выклікаў эфект даміно — інвестары ўспрынялі гэта як пачатак канкурэнцыі з вядучымі SaaS-брэндамі.
Але згадка OpenAI можа быць і дабром для кампаній. Пасля інтэграцыі дадатку Figma ў ChatGPT акцыі дызайн-сэрвісу выраслі на 7%. «Вы зможаце прасіць ChatGPT запусціць патрэбную аплікацыю па назве — напрыклад, сказаць: «Figma, ператвары гэты накід у дыяграму», — патлумачыў Альтман.
Падобныя змены ў паводзінах інвестараў ужо былі. Калі Salesforce прэзентавала інструмент візуалізацыі дадзеных, інвестары вырашылі, што гэта «канец Tableau», — але праз некалькі гадоў Salesforce проста купіла Tableau за $15,7 мільярдаў.
Паводле слоў аналітыка Джалурыі, рынак хутка астывае, калі робіцца ясна, што хайп не ператвараецца ў рэальныя прыбыткі: «Добрыя паказчыкі вылечваюць любую паніку. Дастаткова пары кварталаў, каб развеяць такія наратывы».
Рэлацыраваліся? Цяпер вы можаце каментаваць без верыфікацыі акаўнта.