Кампанія прадставіла новую мадэль GPT-5.4-Cyber усяго праз тыдзень пасля анонсу канкуруючай сістэмы Claude Mythos ад Anthropic. Доступ да мадэлі OpenAI атрымалі толькі праверанныя спецыялісты.
Кампанія прадставіла новую мадэль GPT-5.4-Cyber усяго праз тыдзень пасля анонсу канкуруючай сістэмы Claude Mythos ад Anthropic. Доступ да мадэлі OpenAI атрымалі толькі праверанныя спецыялісты.
Мадэль не з’явіцца ў ChatGPT і распаўсюджваецца ў межах праграмы Trusted Access for Cyber (TAC). Каб атрымаць доступ, карыстальнікам трэба прайсці верыфікацыю асобы і пацвердзіць кваліфікацыю ў сферы кібербяспекі. Самы высокі ўзровень допуску адкрывае працу з GPT-5.4-Cyber.
Новая версія пабудавана на базе GPT-5.4, але дадаткова навучана спецыяльна для «абарончых» сцэнарыяў. Яна здольная аналізаваць код на наяўнасць уразлівасцяў, шукаць шкоднасныя функцыі, а таксама выконваць больш складаныя задачы, напрыклад, рэверс-інжынірынг бінарных файлаў без доступу да зыходнага коду. Пры гэтым мадэль менш схільная адмаўляць у выкананні патэнцыйна рызыкоўных запытаў, калі яны звязаны з бяспекай.
У кампаніі адзначаюць, што запуск лінейкі Cyber — частка падрыхтоўкі да з’яўлення яшчэ больш магутных мадэляў. «ШІ ўжо выкарыстоўваецца як абаронцамі, так і зламыснікамі», — тлумачаць у OpenAI неабходнасць паскоранага развіцця інструментаў для кібербяспекі.
Пашырэнне праграмы TAC таксама звязана з жаданнем даць доступ да такіх інструментаў як мага большай колькасці давераных спецыялістаў, але пры строгім кантролі распрацоўшчыкаў. У OpenAI указваюць, што доступ да больш магутных магчымасцяў павінен залежаць не толькі ад самой мадэлі, але і ад таго, хто і як яе выкарыстоўвае.
Выхад GPT-5.4-Cyber адбыўся на фоне ўзмацнення канкурэнцыі з Anthropic. Раней кампанія прадставіла Claude Mythos — мадэль, якая, паводле заявы распрацоўшчыкаў, ужо выявіла «тысячы» уразлівасцяў нулявога дня, у тым праблемы ў асноўных аперацыйных сістэмах і браўзерах. Доступ да яе таксама абмежаваны і прадастаўляецца толькі партнёрам, якія працуюць з крытычнай інфраструктурай.
Релоцировались? Теперь вы можете комментировать без верификации аккаунта.