Николай Чикишев 5 жніўня 2024, 17:40

OpenAI прыдумала, як распазнаць згенераваны тэкст. Але тэхналогіі нікому не пакажуць

Кампанія распрацавала тэхналогію, якая распазнае згенераваны АІ тэкст. Але яе не сталі прэзентаваць праз асцярогу страты аўдыторыі.

Пакінуць каментарый

OpenAI прыдумала, як распазнаць згенераваны тэкст. Але тэхналогіі нікому не пакажуць

Кампанія распрацавала тэхналогію, якая распазнае згенераваны АІ тэкст. Але яе не сталі прэзентаваць праз асцярогу страты аўдыторыі.

Крыніца The Wall Street Journal у кампаніі паведаміла, што ў распрацоўшчыка ёсць тэхналогія, якая дазваляе распазнаць з дакладнасцю 99,9% тэкст, напісаны ChatGPT. Яна дазваляе пакідаць у тэксце вадзяныя знакі, нябачныя для чалавечага вока, якія можна распазнаць з дапамогай адмысловай праграмы. Аднак вадзяныя знакі можна даволі лёгка сцерці. Напрыклад, зрабіўшы пераклад тэксту з дапамогай Google Translate на іншую мову і назад або дадаўшы эмодзі ў тэкст з наступным ручным выдаленнем.

Тэхналогію не сталі не сталі рабіць даступнай для карыстальнікаў, паколькі паўсталі асцярогі, што частка аўдыторыі адмовіцца ад выкарыстання сэрвісаў кампаніі, асабліва гэта тычыцца неангламоўных носьбітаў. Паводле апытанняў OpenAI, амаль траціна карыстальнікаў адмовіцца ад выкарыстання чат-бота або стане радзей звяртацца да яго, калі ім будзе прапанаваны гэты інструмент. Магчымасць рэлізу абмяркоўвалі Сэм Альтман і кіраўніцтва кампаніі, але канчатковае рашэнне не было прынятае.