Кампанія распрацавала новую мадэль штучнага інтэлекту GPT-4b, прызначаную для паляпшэння працэсу вытворчасці ствалавых клетак. Гэтая ініцыятыва з’яўляецца першым крокам OpenAI у галіне біялагічных распрацовак.
Кампанія распрацавала новую мадэль штучнага інтэлекту GPT-4b, прызначаную для паляпшэння працэсу вытворчасці ствалавых клетак. Гэтая ініцыятыва з’яўляецца першым крокам OpenAI у галіне біялагічных распрацовак.
Паводле заявы кампаніі, іх моўная мадэль здольная ствараць мадэлі бялкоў, якія могуць ператвараць звычайныя клеткі ў ствалавыя. OpenAI сцвярджае, што іх распрацоўка пераўзыходзіць чалавечыя магчымасці ў гэтай галіне. Гэты праект накіраваны на тое, каб прадэманстраваць, ці можа АІ рабіць сапраўдныя адкрыцці, што многія лічаць важным этапам на шляху да «агульнага штучнага інтэлекту».
Праект па распрацоўцы бялкоў пачаўся год таму, калі кампанія Retro Biosciences, якая займаецца даследаваннямі ў галіне даўгалецця, звярнулася да OpenAI з прапановай супрацоўніцтва. Гендырэктар OpenAI Сэм Альтман асабіста інвеставаў у Retro $180 мільёнаў. Мэтай Retro з’яўляецца павелічэнне працягласці жыцця чалавека на 10 гадоў c дапамогай ствалавых клетак.
Паводле слоў даследчыка OpenAI Джона Холмана, бялкі, створаныя з дапамогай мадэлі, «здаюцца лепшымі за тых, што навукоўцы маглі зрабіць самастойна». У распрацоўцы мадэлі таксама ўдзельнічалі Аарон Ех з OpenAI і Рыка Мейнл з Retro. Мадэль была навучаная на ўзорах паслядоўнасцяў бялкоў многіх відаў, а таксама на інфармацыі пра тое, якія бялкі схільныя ўзаемадзейнічаць адзін з адным.
Генеральны дырэктар Retro Джо Бетс-Лакруа паведаміў, што ідэі мадэлі былі незвычайна добрымі, што прывяло да паляпшэнняў вынікаў эксперыментаў у параўнанні з арыгінальнымі спробамі ў значнай частцы выпадкаў. Нягледзячы на тое, што прынцып працы GPT-4b да канца не ясны, кампанія OpenAI запэўнівае, што яе мадэль з’яўляецца сур’ёзным укладам у навуку. Паводле слоў прадстаўнікоў OpenAI, пакуль не вырашана, ці будзе гэтая мадэль даступная як асобны прадукт, ці інтэграваная ў асноўныя мадэлі разважанняў.
Рэлацыраваліся? Цяпер вы можаце каментаваць без верыфікацыі акаўнта.