OpenAI паведаміла, што прыбірае абмежаванні на колькасць тэкставых дыялогаў у ChatGPT для ўсіх карыстальнікаў. Нядаўна кампанія таксама паведаміла, што штотыднёвая аўдыторыя сервісу перавысіла 1 млрд юзераў.
OpenAI паведаміла, што прыбірае абмежаванні на колькасць тэкставых дыялогаў у ChatGPT для ўсіх карыстальнікаў. Нядаўна кампанія таксама паведаміла, што штотыднёвая аўдыторыя сервісу перавысіла 1 млрд юзераў.
Для карыстальнікаў Free і Go замест GPT-5.5 новай мадэллю па замоўчванні стане GPT-5.6 Luna. У іх таксама з’явіцца кнопка Think, якая дазволіць задзейнічаць больш глыбокі рэжым разважанняў пры вырашэнні складаных задач. Але ліміты на працу з файламі, выявамі, голасам і генерацыяй малюнкаў захаваюцца. Апгрэйды на гэтых тарыфах будуць укараняцца на працягу гэтага і наступнага тыдня.
Абнаўленне закране і падпісчыкаў Plus і Pro. Ім ужо стала даступная палепшаная мадэль GPT-5.6 Sol, прызначаная для хуткіх штодзённых задач — адказаў на пытанні, вэб-пошуку, планавання, напісання тэкстаў, парад і прыняцця рашэнняў. У OpenAI заявілі, што новая версія дае больш лаканічныя і надзейныя адказы. Пры гэтым гаворка ідзе пра іншую версію GPT-5.6 Sol — не тую, што выкарыстоўваецца ў Codex і Work.
Акрамя таго, у карыстальнікаў Plus і Pro з’явіцца паўзунок, які дазволіць у залежнасці ад складанасці запыту рэгуляваць, колькі «разважанняў» мадэль будзе выдаткоўваць на адказ.
Ва ўнутраных тэстах OpenAI колькасць фактычных памылак у GPT-5.6 Luna ў параўнанні з GPT-5.5 Instant знізілася на 62%, а ў GPT-5.6 Sol — на 68%.
Рэлацыраваліся? Цяпер вы можаце каментаваць без верыфікацыі акаўнта.