Кампанія запускае абноўленую сістэму памяці чат-бота, якая павінна лепш запамінаць карысны кантэкст з мінулых размоваў, улічваць перавагі карыстальніка і не выкарыстоўваць састарэлую інфармацыю.
Кампанія запускае абноўленую сістэму памяці чат-бота, якая павінна лепш запамінаць карысны кантэкст з мінулых размоваў, улічваць перавагі карыстальніка і не выкарыстоўваць састарэлую інфармацыю.
Першая версія памяці з’явілася ў ChatGPT у красавіку 2024 года. Тады карыстальнік мог напрамую папрасіць бота нешта запомніць — напрыклад, прафесію, праект, фармат адказаў або асабістыя перавагі. Але такая сістэма залежала ад відавочных каманд і з часам магла састарэць.
Пазней OpenAI дадала механізм dreaming. Ён працуе ў фонавым рэжыме і дапамагае ChatGPT самастойна абагульняць інфармацыю з розных размоваў, нават калі карыстальнік не прасіў нічога спецыяльна запомніць. Цяпер кампанія прадставіла больш магутную і эканамічную архітэктуру памяці на аснове гэтага падыходу.
Галоўнае новаўвядзенне — старонка memory summary. На ёй карыстальнік зможа ўбачыць кароткую зводку таго, што ChatGPT пра яго ведае: інтарэсы, праекты, працоўныя задачы, абмежаванні і перавагі. Гэтыя даныя можна будзе рэдагаваць, дапаўняць або выдаляць.
OpenAI кажа, што абноўленая памяць лепш спраўляецца з трыма задачамі: пераносіць карысны кантэкст паміж чатамі, улічвае перавагі карыстальніка і абнаўляе інфармацыю з цягам часу.
Напрыклад, калі карыстальнік раней абмяркоўваў фотатэхніку, ChatGPT зможа ўлічваць яго камеру пры наступных рэкамендацыях. А калі паездка ўжо скончылася, бот не павінен працягваць паводзіць сябе так, быццам карыстальнік усё яшчэ знаходзіцца ў іншай краіне.
Абнаўленне таксама павінна дапамагчы ChatGPT даваць больш персаналізаваныя адказы без неабходнасці кожны раз нанова тлумачыць кантэкст. Напрыклад, пры планаванні паездкі бот зможа ўспомніць, што карыстальнік аддае перавагу ціхім вячэрам, цікавіцца фатаграфіяй або выбірае гасцініцы з добрым кандыцыянерам.
Паводле распрацоўшчыкаў, новая сістэма стала прыкладна ў пяць разоў больш эфектыўай па вылічальных выдатках. Дзякуючы гэтаму dreaming-памяць упершыню пачнуць паступова запускаць і для карыстальнікаў бясплатнай версіі ChatGPT.
Цяпер абнаўленне даступна падпісчыкам Plus і Pro у ЗША. На працягу наступных тыдняў яго плануюць распаўсюдзіць на іншыя краіны, а таксама на карыстальнікаў Free і Go. Для падпісчыкаў Plus і Pro паляпшэнні таксама азначаюць павелічэнне аб’ёму памяці.
Релоцировались? Теперь вы можете комментировать без верификации аккаунта.