Аддзел навін world 17 красавіка 2025, 10:35

OpenAI выпусціла мадэлі o3 і o4-mini — яны самыя магутныя сярод тых, што разважаюць, і ўмеюць думаць выявамі

OpenAI прэзентавала ШІ-мадэлі o3 і больш кампактную o4-mini — найбольш разумныя і магутныя з тых, што былі створаны кампаніяй на сёння. Гэта першыя мадэлі, якія здольныя самастойна выкарыстоўваць і камбінаваць усе інструменты, убудаваныя ў ChatGPT — маецца на ўвазе вэб-пошук, апрацоўка і генерацыя малюнкаў, а таксама аналіз дакументаў.

Пакінуць каментарый

OpenAI прэзентавала ШІ-мадэлі o3 і больш кампактную o4-mini — найбольш разумныя і магутныя з тых, што былі створаны кампаніяй на сёння. Гэта першыя мадэлі, якія здольныя самастойна выкарыстоўваць і камбінаваць усе інструменты, убудаваныя ў ChatGPT — маецца на ўвазе вэб-пошук, апрацоўка і генерацыя малюнкаў, а таксама аналіз дакументаў.

o3 лепш за сваіх папярэдніц у праграмаванні, матэматыцы, навуках і задачах, звязаных з візуальным успрыманнем інфармацыі. Паводле OpenAI, гэтая мадэль прызначаная для складаных запытаў, адказы на якія могуць быць не відавочныя, і дапускае на 20% менш памылак, чым o1. Мадэль o4-mini таксама вельмі здольная — на бенчмарку AIME па разуменні інструкцый яна набрала 99,5%, але вылучаецца хуткасцю і эканамічнасцю, што дазваляе ўсталяваць больш свабодныя ліміты для карыстальнікаў.

Introducing OpenAI o3 and o4-mini—our smartest and most capable models to date.

For the first time, our reasoning models can agentically use and combine every tool within ChatGPT, including web search, Python, image analysis, file interpretation, and image generation. pic.twitter.com/rDaqV0×0wE
— OpenAI (@OpenAI) April 16, 2025

Таксама гэта першыя мадэлі OpenAI, якія ўмеюць інтэграваць выявы ў ланцужок думак — яны не проста бачаць малюнкі, а разважаюць з іх дапамогай.

Кошт мадэлі o3 складзе $10 за 1 млн уваходных токенаў і $40 за 1 млн выходных токенаў. o4-mini абыдзецца ў $1,1 і $4,4 адпаведна.

Карыстальнікам тарыфаў ChatGPT Plus, Pro і Team мадэлі o3, o4-mini і o4-mini-high ужо даступныя — яны заменяць у меню выбару мадэлі o1, o3-mini і o3-mini-high. Карыстальнікі планаў Enterprise і Edu змогуць апрабаваць навінкі праз тыдзень. Ліміты па ўсіх тарыфах застаюцца такімі ж, як і раней. У бліжэйшыя тыдні распрацоўшчыкі абяцаюць выпусціць версію o3-pro з поўнай падтрымкай інструментаў. Pro-юзерам пакінулі магчымасць працаваць з мадэллю o1-pro. Акрамя таго, мадэлі o3 і o4-mini сталі даступныя распрацоўшчыкам праз Chat Completions API і Responses API.