Осцін звязаны з Сан-Францыска, Маямі — з Нью-Ёркам: даследчыкі расказалі аб фармаванні «метагарадоў»
Шматлікія важныя дзелавыя цэнтры і цэнтры канцэнтрацыі талентаў не абавязкова з’яўляюцца найбуйнейшымі або самымі эканамічна развітымі гарадамі. Дзякуючы аддаленай працы людзі могуць больш не працаваць у офісе і міграваць з зорных гарадоў накшталт Нью-Ёрка і Лондана ва ўмоўныя Маямі і Дубай.
Спецыялісты са Школы менеджменту Ротмана і Boston Consulting Group выпусцілі даклад, у якім расказалі пра «метагарады» — так яны называюць сетку гарадоў, што функцыянуюць як асобная адзінка і прывязаныя да буйнога — часта сусветнага значэння — эканамічнага хаба.
Шматлікія важныя дзелавыя цэнтры і цэнтры канцэнтрацыі талентаў не абавязкова з’яўляюцца найбуйнейшымі або самымі эканамічна развітымі гарадамі. Дзякуючы аддаленай працы людзі могуць больш не працаваць у офісе і міграваць з зорных гарадоў накшталт Нью-Ёрка і Лондана ва ўмоўныя Маямі і Дубай.
Спецыялісты са Школы менеджменту Ротмана і Boston Consulting Group выпусцілі даклад, у якім расказалі пра «метагарады» — так яны называюць сетку гарадоў, што функцыянуюць як асобная адзінка і прывязаныя да буйнога — часта сусветнага значэння — эканамічнага хаба.
На аснове даных з LinkedIn за перыяд ад жніўня 2022 года да ліпеня 2023-га аўтары даклада прасачылі, як перамяшчаліся кадры ў/з Нью-Ёрка, Лондана, Сан-Францыска і шэрагу іншых гарадоў. Напрыклад, у Нью-Ёрк больш за ўсё спецыялістаў прыехала з Маямі, а ў Маямі больш за ўсё прыехала з Нью-Ёрка. У Осцін больш за ўсё прыбыло выхадцаў (у асноўным з ІТ) з Сан-Францыска.
Пры гэтым аўтары адзначаюць парадаксальную рэч: дзякуючы з’яве «метагарадоў» роля вядучых «супергарадоў» (да такіх яны залічаюць толькі Лондан і Нью-Ёрк) як эканамічных цэнтраў умацоўваецца, нават нягледзячы на адток часткі талентаў і кампаній ва ўмоўныя гарады-спадарожнікі меншага памеру.
З Нью-Ёрка за разгледжаны перыяд больш людзей з’ехала ў Лос-Анджэлес, Маямі і Осцін, ніж прыехала з іх. А ў Нью-Ёрк больш людзей прыехала з Сан-Францыска, Бостана, Вашынгтона, Чыкага, Лондана, Філадэльфіі і Атланты, ніж з’ехала туды.
З Лондана больш з’ехала талентаў у Аб’яднаныя Арабскія Эміраты, Нью-Ёрк, Дублін і Парыж, ніж прыехала адтуль. Але прыехала больш талентаў з Манчэстэра, Бірмінгема, Эдынбурга, Кембрыджа і Бангалора, ніж з’ехала туды.
У цэлым гарады ў дакладзе дзяліліся на чатыры катэгорыі ў залежнасці ад велічыні прытоку талентаў з іншых лакацый: глабальныя суперзорныя хабы, глабальныя цэнтры, значныя цэнтры і рэгіянальныя цэнтры. У другую групу трапіла сем гарадоў: Дубай, Сінгапур, Дублін, Бангалор, Парыж, Берлін і Лос-Анджэлес. Гэтыя гарады не з’яўляюцца самымі буйнымі і эканамічна магутнымі, але яны досыць даступныя і маюць спрыяльны бізнэс-клімат, каб прыцягнуць таленты.
Аўтары дадаюць, што кампаніям было б карысна ўлічваць гэтую новую геаграфію талентаў і новыя эканамічныя сувязі, каб прымаць больш аптымальныя рашэнні ў пошуку кадраў, найманні і адкрыцці новых офісаў. І замест таго, каб гвалтам заганяць супрацоўнікаў у офісы або ўвогуле адмаўляцца ад офісаў, ствараць для іх месцы для ўзаемадзеяння і сумеснай працы як у сваіх асноўных офісах, так і ў меншых «другарадных» лакацыях.
Рэлацыраваліся? Цяпер вы можаце каментаваць без верыфікацыі акаўнта.
LA? Talent hub? Huh?