Ацэнка TikTok упала ад $300 млрд да $225 млрд праз навіну аб магчымай забароне ў ЗША

Паводле даных крыніц Bloomberg, улады ЗША асцерагаюцца, што TikTok можа перадаваць асабістыя даныя амерыканскіх грамадзян у Кітаі. Кампанія ў 2021 годзе распрацавала план размяшчэння карыстальніцкіх даных у Штатах і адкрыла «цэнтр празрыстасці», каб паказаць працу алгарытмаў і сістэм бяспекі сацсеткі.

Аднак дзеянні TikTok не пераканалі амерыканскіх рэгулятараў, якія ініцыявалі праверкі. Цяпер кіраўніцтва ByteDance «не ўпэўнена, што гэтых захадаў будзе дастаткова для працягу працы ў ЗША. Продаж сацсеткі стане крайняй мерай, калі кіраўніцтва не зможа дамовіцца з уладамі.

Амерыканскае падраздзяленне сацсеткі можа каштаваць $40-50 мільярдаў, паводле ацэнак аналітыкаў Bloomberg. Раней у 2022 годзе ўладальнік TikTok вырашыў выкупіць у інвестараў акцыі прыкладна на $3 мільярды пры ацэнцы кампаніі ў $300 мільярдаў. У 2021 годзе ацэнка сацсеткі складала $460 мільярдаў.