Payoneer больш не пераводзіць грошы на даляравыя рахункі ў Беларусі

Сэрвіс пачаў рассылаць ім паведамленні аб тым, што «каб пазбегнуць няўдалых транзакцый», даляравыя банкаўскія рахункі беларусаў адключаюць ад акаўнтаў Payoneer.

Пераводы ў Беларусь на рахункі, адкрытыя ў далярах, гэтым карыстальнікам Payoneer больш не даступныя. Але рахункі ў еўра працуюць у штатным рэжыме. Прадстаўнікі сэрвісу ўдакладнілі, што на іх можна адпраўляць сродкі «наўпрост з любых даступных балансаў, напрыклад, у далярах ЗША ці фунтах стэрлінгаў». Будзе адбывацца аўтаматычная канвертацыя валют.

«Калі ў вашага пастаўшчыка ці падрадчыка пазначаны банкаўскі рахунак у далярах ЗША ў Беларусі, калі ласка, абнавіце яго на іншы рахунак у еўра», — папрасілі прадстаўнікі Payoneer.

Выданне адзначае, што з лютага 2022 года з Payoneer працуюць не ўсе беларускія банкі. Кліенты тых, хто патрапіў пад санкцыі, выводзіць грошы не могуць. Таксама ў беларусаў ёсць складанасці са стварэннем новых акаўнтаў у сэрвісе.