Кепскія навіны для тых, хто не любіць галасавыя паведамленні: праз 5 гадоў праца будзе будавацца на іх

Па іх прагнозах, ужо да 2028 года галасавы ШІ цалкам зменіць тое, як мы працуем, і стане базай. Замест таго, каб гадзінамі падбіраць не занадта афіцыйны і не занадта панібрацкі тон для ліста, супрацоўнікі проста будуць гаварыць у тэлефон ці ноўтбук, і калі вельмі трэба — выкарыстоўваць пальцы, каб падправіць расшыфраваны тэкст.

Пераход да голасу, на думку даследчыкаў, натуральны: вусная гаворка бліжэй, чым тэкст, да таго, як мы думаем — «хутка, ітэратыўна, размоўна». Гэта не толькі пра зручнасць і прадуктыўнасць, але і пра крэатыў: лепшыя ідэі часта прыходзяць не за працоўным сталом, і цяпер не трэба іх запісваць уручную. Таксама галасавыя тэхналогіі робяць працу даступнейшай, напрыклад, для бацькоў: калі заняты рукі, гаварыць нашмат прасцей, чым друкаваць.

Але не ўсе эксперты падзяляюць аптымізм LSE. Некаторыя лічаць, што войсы ніколі цалкам не заменяць емэйлы, таму што прабегчы вачыма па тэксце ўсё ж хутчэй, чым слухаць галасавое. Хаця згаджаюцца, што дыктоўка можа замяніць сам працэс уводу тэксту. Іншымі словамі, лісты застануцца, а клавіятуры — не.

Іншыя эксперты папярэджваюць аб пабочных эфектах кшталту размытай адказнасці і падсправаздачнасці без тэкставай расшыфроўкі галасавых паведамленняў. З часам можа быць складана знайсці патрэбную інфармацыю ці пацвердзіць, хто і што сказаў. Акрамя таго, голас патрабуе рэдактуры: каб гучаць зразумела, часта прыходзіцца перазапісваць, вычышчаць паўзы, «эээ» і адцягненыя думкі. Для людзей з акцэнтам ці з парушэннямі маўлення гэта можа стаць дадатковай нагрузкай.