Журналіст вырашыў праверыць, ці здольны штучны інтэлект палегчыць не толькі працу, але і паўсядзённыя справы. На тыдзень ён даверыў ChatGPT планаванне свайго сацыяльнага жыцця: ад перапіскі з сябрамі да выбару адзення і рэстаранаў.
Журналіст вырашыў праверыць, ці здольны штучны інтэлект палегчыць не толькі працу, але і паўсядзённыя справы. На тыдзень ён даверыў ChatGPT планаванне свайго сацыяльнага жыцця: ад перапіскі з сябрамі да выбару адзення і рэстаранаў.
Па словах Санцьяга Бараса Лопеса, спачатку ШІ выконваў простыя задачы: склаў спіс пакупак, падабраў новы серыял на Netflix і адказаў на некалькі паведамленняў ад сяброў. Але сапраўдны эксперымент пачаўся, калі ў чацвер з’явіліся запрашэнні на выходныя.
Замест звыклага «паглядзім» журналіст паказаў паведамленне ChatGPT, і праз секунды ў яго быў гатовы план сустрэчы. У суботу выбар ШІ расчараваў журналіста: «топавы» італьянскі рэстаран аказаўся перапоўненым турыстамі і з пасрэдным сэрвісам. Затое нядзельны бранч прайшоў ідэальна, а сябры здзівіліся новай арганізаванасці аўтара.
Эксперымент выйшаў і за межы календара. Чат-бот падабраў для яго смелую кашулю з яркім малюнкам, якую сам Лопес звычайна не насіў. Вынік — нечакана шмат кампліментаў. «ШІ быццам ведае нешта пра маю ўпэўненасць у сабе, чаго я сам не заўважаю», — прызнаўся ён.
Хоць адказы ШІ часам выглядалі «ненатуральнымі», а выбар рэстаранаў не заўсёды супадаў з асабістымі густамі, эксперымент дапамог журналісту зірнуць на сябе збоку. Ён адзначыў, што часта зацягвае з адказамі на запрашэнні, выбірае адны і тыя ж месцы і пазбягае эксперыментаў з адзеннем.
«Перадаўшы рутыну ШІ, я адчуў сябе свабодней, змог быць больш уцягнутым і заўважыў тое, што сапраўды каштоўна ў чалавечых зносінах — слухаць, смяяцца і прымаць нечаканасці», — падвёў вынік журналіст. Пры гэтым Лопес прызнаўся, што не даверыў бы ШІ кіраваць сваім асабістым жыццём пастаянна, але на тыдзень такі досвед аказаўся «дзіўным, але карысным».
Рэлацыраваліся? Цяпер вы можаце каментаваць без верыфікацыі акаўнта.
— Это что, вы и есть за меня будете?
— Ага
(с) Вовка в тридевятом царстве