Карыстальнікі Twitch пачалі стрыміць на ягадзіцах. Платформа забараніла кантэнт з акцэнтам на «інтымных частках» цела

Забарона закране працяглы паказ ягадзіц, пахвіны або грудзей у тым ліку ў вопратцы. Кампанія ўвяла абмежаванні ў адказ на з’яўленне вялікай колькасці трансляцый, аўтары якіх бесперапынна паказваюць на экране інтымныя часткі цела. Некаторыя карыстальнікі выкарыстоўвалі вопратку з храмакеем, каб стрыміць гульні на сваіх ягадзіцах. Трансляцыі хутка набралі папулярнасць, што прывяло да з’яўлення скаргаў.

Раней кампанія прымала меры супраць стрымаў, аўтары якіх з’яўляліся ў трансляцыях аголенымі, прыкрываючы інтымныя часткі цела чорнымі гарызантальнымі палосамі. Пры канцы 2023 года Twitch дазволіў стрыптыз, эратычныя танцы і выявы галізны, але адразу ж забараніў частку змен у палітыцы.