Кампанія Gilmour Space Technologies планавала запусціць ракету Eris, што стала б першым запускам аўстралійскай ракеты ў гісторыі. Аднак запуск быў скасаваны з-за няспраўнасці ў электраправодцы, якую, верагодна, зладзіў белы какаду.
Кампанія Gilmour Space Technologies планавала запусціць ракету Eris, што стала б першым запускам аўстралійскай ракеты ў гісторыі. Аднак запуск быў скасаваны з-за няспраўнасці ў электраправодцы, якую, верагодна, зладзіў белы какаду.
Аналіз паказаў, што збой выклікаў нечаканы скачок напружання, справакаваны зваротнай падачай энергіі ад падлучаных прылад. Гэта не адбывалася падчас папярэдніх тэстаў, таму ніхто з інжынераў не чакаў падобнага. Кампанія апублікавала ў інстаграме фатаграфію птушкі, якая грызе кабель на стартавай пляцоўцы, з подпісам: «Расследаванне анамаліі».
«Мы не сцвярджаем, што какаду стаў прычынай праблемы, але і не выключаем яго цалкам», — пажартавалі ў кампаніі, адзначыўшы, што расследаванне працягваецца. «Добрая навіна ў тым, што наша каманда і ракета ў парадку. Хаця мы расчараваныя затрымкай, мы ўжо працуем над рашэннем і разлічваем хутка вярнуцца на стартавую пляцоўку», — заявіў генеральны дырэктар Gilmour Space Адам Гілмор.
Ракета Eris прызначана для дастаўкі да 300 кг карыснай нагрузкі на арбіту вышынёй 200 км. Яна складаецца з трох ступеняў: першыя дзве абсталяваныя гібрыднымі рухавікамі Sirius, а трэцяя — вадкасным рухавіком Phoenix, распрацаваным Gilmour Space.
Выпадкі, калі жывёлы ўмешваюцца ў працу высокатэхналагічных сістэм, не з’яўляюцца рэдкасцю. Напрыклад, у 2016 годзе тхор, які перагрыз правады, спыніў працу Вялікага адроннага калайдэра. Хаця жывёлы рэдка набліжаюцца да ракетаў, стартавыя пляцоўкі часта суседнічаюць з прыроднымі тэрыторыямі.
Рэлацыраваліся? Цяпер вы можаце каментаваць без верыфікацыі акаўнта.