Паўторную «Poland. Business Harbour» усё ж будуць выдаваць у Польшчы. Але ёсць нюансы

Нядаўна замест яе ўладальнікам РВН прапаноўвалі атрымліваць гуманітарную візу, якая не дае права працаваць у якасці ІП.

Як і дзе атрымаць візу?

Атрымаць паўторную «Poland. Business Harbour» можна ў візавых цэнтрах Варшавы, Любліна і Познані пасля анлайн-рэгістрацыі ў раздзеле «Uzyskanie terminu na złożenie wniosku». Неабходныя дакументы шукайце ў пункце 6 вось тут.

Ці могуць таксама падацца родныя айцішніка?

Так, на новую РВН у Польшчы таксама маюць права сужэнец (-ка) і непаўналетнія дзеці ІТ-спецыяліста пры такіх умовах:

• яны таксама маюць раней выдадзеную візу «Poland. Business Harbour»;
• пакажуць дакументы (арыгінал і копіі пасведчанняў аб шлюбе/нараджэнні), якія пацвярджаюць сваяцтва з чалавекам, які працуе ў ІТ-сферы ў Польшчы;
• пакажуць дакумент, які пацвярджае працаўладкаванне бацькоў або сужэнца (-кі) у якасці спецыяліста ІТ-сферы ў Польшчы.

А што з нюансамі?

На сайце візавага цэнтра Польшчы такая віза пазначаная як «Humanitarna z oznaczeniem Poland. Business Harbour». Што ўсё гэта значыць, Dzik высвятляў разам з юрыстам «ALG Legal» Юліяй Князь:

«Паводле інфармацыі PAIH, гэта будзе спецыфічная гуманітарная віза: на ёй будзе пазнака «D21» і над ёй — «PBH». Такая віза будзе даваць магчымасці, якіх не мае звычайная гуманітарная віза — напрыклад, ажыццяўленне камерцыйнай дзейнасці ў якасці JDG. Аплата візавага збору за яе выдачу таксама не прадугледжаная, але і катацца па ёй у Беларусь і назад будзе рызыкоўна — могуць прызнаць нямэтавым выкарыстаннем і ануляваць.

Акрамя стандартнага набору дакументаў (фатаграфіі, пашпарт, страхоўка) для афармлення такой візы ў Польшчы неабходна падаць пацверджанне пражывання і дакументы па працаўладкаванні або ажыццяўленні камерцыйнай дзейнасці ў якасці ІТ-спецыяліста ў Польшчы», — тлумачыць юрыст.

Рэдакцыі патрэбная вашая дапамога проста цяпер. 

Нам можна дапамагчы праз Patreon. Выберыце штомесячны ўзровень падтрымкі: 10, 20, 30, 100 ці 500 долараў — або ўнясіце любую суму.

А яшчэ мы прымаем крыптавалюту.

Bitcoinbc1qae22u3sg8es6j22pg4mmyrdvvym0vxjyesxhhw

Etherium0×831a6641721E70af32dDa262F4110eB704af8c05

Tether USD (USDT) on ETH Network0×831a6641721E70af32dDa262F4110eB704af8c05

Zcasht1R5UM9VMR1hJvJqTJ9w5bAmHxrDLJ9Nxmh

Дзякуй, што вы з намi.

У Польшчы ўжо жыве 68+ тыс. беларусаў. За 2 месяцы выдалі 12 тыс. віз PBH

Па тэме

У Польшчы ўжо жыве 68+ тыс. беларусаў. За 2 месяцы выдалі 12 тыс. віз PBH