Амерыканскі ШІ-эксперт Эндру Ын запусціў экспрэс-курс Vibe Coding 101, прысвечаны трэндавай у айцішным свеце з’яве. Курс арыентаваны на тых, хто хоча даведацца, як эфектыўна выкарыстоўваць генератыўныя ШІ-інструменты для напісання кода і кіравання ім.
Амерыканскі ШІ-эксперт Эндру Ын запусціў экспрэс-курс Vibe Coding 101, прысвечаны трэндавай у айцішным свеце з’яве. Курс арыентаваны на тых, хто хоча даведацца, як эфектыўна выкарыстоўваць генератыўныя ШІ-інструменты для напісання кода і кіравання ім.
New short course: Vibe Coding 101 with Replit! Learn to build and host applications with an AI agent in this course, built in partnership with @Replit and taught by its President @pirroh and Head of Developer Relations @mattppal.
— Andrew Ng (@AndrewYNg) March 26, 2025
Coding agents are changing how we write code.… pic.twitter.com/jMQHnZjAre
Тэрмін «вайб-кодынг» прыдумаў сузаснавальнік OpenAI Андрэй Карпаты. Ён азначае такі падыход да распрацоўкі ПЗ, пры якім працэс усё больш аўтаматызуецца з дапамогай ШІ-асістэнтаў, што выконваюць указанні карыстальніка. Такія інструменты павышаюць прадукцыйнасць дасведчаных інжынераў і прыцягваюць людзей без навыкаў праграмавання.
Ын — прафесар Стэнфарда, сузаснавальнік Coursera і Google Brain. Ён лічыць, што ШІ-агенты цалкам зменяць працэс напісання кода. Але, насуперак распаўсюджанаму меркаванню, каб яны былі сапраўды карыснымі, недастаткова проста даць ім промпт і прымаць увесь згенераваны код — трэба ўмець імі правільна карыстацца. Менавіта гэтаму прысвечаны невялікі курс Ына.
Курс створаны ў супрацоўніцтве з кампаніяй-распрацоўшчыкам ШІ-агентаў Replit і складаецца з некалькіх відэалекцый агульнай працягласцю 94 хвіліны. У ім распавядаецца пра базавыя рэчы, напрыклад, пра тое, што агентам трэба даваць па адной задачы за раз і ўважліва фармуляваць запыт, а таксама пра адладку ШІ-кода і аўтаматызацыю асобных этапаў распрацоўкі, напрыклад стварэння прататыпаў дадаткаў.
Релоцировались? Теперь вы можете комментировать без верификации аккаунта.