Многія любяць паесці чыпсаў падчас стрымаў або гутарачы з сябрамі ў сеціве. Але пастаяннае хрусценне часта стварае дыскамфорт удзельнікам гутаркі. Іспанскія маркетолагі прыдумалі праграму для рэкламы чыпсаў Doritos, якая сіламі нейрасеткі аддзяляе і заглушае хрусценне ў аўдыяпатоку.
Многія любяць паесці чыпсаў падчас стрымаў або гутарачы з сябрамі ў сеціве. Але пастаяннае хрусценне часта стварае дыскамфорт удзельнікам гутаркі. Іспанскія маркетолагі прыдумалі праграму для рэкламы чыпсаў Doritos, якая сіламі нейрасеткі аддзяляе і заглушае хрусценне ў аўдыяпатоку.
Ідэя з’явілася ў кампаніі TBWA Spain, а распрацоўкай праграмы Doritos Crunch Cancellation займаліся спецыялісты Glassworks. Фільтр на аснове штучнага інтэлекту дазваляе хрусцець чыпсамі, не замінаючы іншым удзельнікам гутаркі або прамой трансляцыі. У тэставанні і прасоўванні прадукту бралі ўдзел некаторыя з найвядомейшых іспанскіх стрымераў.
У адкрытым доступе праграма не публікавалася. Каб атрымаць спасылку на спампоўку, трэба зарэгістравацца на афіцыйным сайце. Для карэктнай працы праграмы неабходная відэакарта NVIDIA GeForce RTX 20-й серыі (Turing) або GeForce RTX 30-й серыі (Ampere).
Гэтае патрабаванне, мяркуючы з усяго, абавязковае, паколькі праграма пабудаваная на базе тэхналогіі NVIDIA RTX Voice, паказанай у 2020 годзе. Акрамя таго, у тэчцы ўсталяванай праграмы ляжыць мноства файлаў, у імі якіх прысутнічае NVIDIA, а таксама плагінаў для відэакарт кампаніі. Таксама ў ёй выкарыстоўваецца праграма VB-Audio Cable для перадачы гуку паміж рознымі праграмамі.
Рэлацыраваліся? Цяпер вы можаце каментаваць без верыфікацыі акаўнта.