Нідэрландская кансультантка па брэндынгу і камунікацыі Есім Сайдан распавяла Business Insider, як пабудавала свой бізнес вакол каманды з кастомных GPT — уключаючы мадэль, навучаную «думаць, як Стыў Джобс». ШІ стаў для яе галоўным інструментам маштабавання без найму людзей і страты кантролю над якасцю працы.
Нідэрландская кансультантка па брэндынгу і камунікацыі Есім Сайдан распавяла Business Insider, як пабудавала свой бізнес вакол каманды з кастомных GPT — уключаючы мадэль, навучаную «думаць, як Стыў Джобс». ШІ стаў для яе галоўным інструментам маштабавання без найму людзей і страты кантролю над якасцю працы.
Да з’яўлення кастомных мадэляў рост кампаніі, якая складалася з адной толькі Сайдан, упіраўся ў аўтсорс. Фрылансераў прыходзілася доўга ўводзіць у кантэкст, навучаць аўтарскім метадалогіям, і вынік часта не адпавядаў чаканням. З з’яўленнем кастомных GPT замест найму людзей Сайдан пачала збіраць ШІ-каманду пад канкрэтныя задачы.
Замест універсальнага асістэнта яна стварыла больш за 17 асобных мадэляў — па адной на розныя ключавыя функцыі: даследаванне рынку, аналітыка званкоў па продажах, напісанне прапаноў, сцэнарыяў відэа, ацэнка профіляў у LinkedIn. Яшчэ ёсць кліенцкія агенты, навучаныя тону, мэтам і гісторыі канкрэтных замоўцаў. Гэта дазволіла Сайдан зняць з сябе аперацыйную працу і сканцэнтравацца на стратэгіі.
Прадпрымальніца кажа, што можа стварыць годную GPT за 5-10 хвілін, але ключом да якасці яна называе навучанне. Сайдан загружае дакументы, якія апісваюць яе падыходы і фрэймворкі, і пастаянна данавучае агентаў новымі матэрыяламі. Кожны запыт і файл робіць сістэму дакладнейшай — як супрацоўніка, які вучыцца на практыцы.
Асобнае месца ў яе сістэме займае GPT-ментар, навучаны думаць, як Стыў Джобс. Сайдан выбрала кофаўндара Apple як эталон крэатыўнага і стратэгічнага мыслення і пачала з выразнай ролі ў інструкцыях — шматгадовы досвед, фокус на інавацыях, уменне мысліць па-за межамі і ствараць прадукты, а не проста паляпшаць функцыі.
Для навучання яна выкарыстоўвала два тыпы матэрыялаў: расшыфроўкі відэа, дзе Джобс напрамую тлумачыць свае падыходы і прынцыпы, і кейсы яго прадуктовых запускаў ад iPhone да iPad. Так мадэль вучылася не толькі разважаць, але і бачыць, як ідэі ператвараюцца ў рашэнні. На збор і падрыхтоўку навучальных матэрыялаў — PDF, транскрыптаў і прыкладаў — у яе сышло каля 40 гадзін, і яна працягвае дапаўняць базу па меры знаходжання новага кантэнту. Па тым жа прынцыпе яна пазней стварыла GPT-ментараў на аснове Дэна Кенэдзі і Ілана Маска.
Пры гэтым Сайдан адкрыта кажа пра страх перад ШІ і нявызначанасцю будучыні. Але выйсця яна не бачыць: па яе меркаванні, сапраўдная сіла ШІ раскрываецца, калі ён не замена чалавеку, а працяг яго мыслення. У такім выпадку ШІ не адмяняе экспертызу, а ўзмацняе яе.
Рэлацыраваліся? Цяпер вы можаце каментаваць без верыфікацыі акаўнта.