Тысячы ахвяр сэксуалізаванага гвалту падалі калектыўны пазоў супраць Apple, абвінавачваючы кампанію ў тым, што яна не прымае дастатковых мер для прадухілення захоўвання і распаўсюджвання матэрыялаў аб сэксуальным гвалце над дзецьмі (CSAM) у сваім воблачным сховішча iCloud.
Тысячы ахвяр сэксуалізаванага гвалту падалі калектыўны пазоў супраць Apple, абвінавачваючы кампанію ў тым, што яна не прымае дастатковых мер для прадухілення захоўвання і распаўсюджвання матэрыялаў аб сэксуальным гвалце над дзецьмі (CSAM) у сваім воблачным сховішча iCloud.
У інтэрв’ю Тhe New York Times адная з удзельнікаў пазову, 27-гадовая жанчына, якая падвяргалася гвалту ў дзяцінстве, расказала, што яе сваяк здымаў відэа і распаўсюджваў выявы праз інтэрнэт, выкарыстоўваючы iCloud. Яна працягвае атрымліваць апавяшчэнні ад праваахоўных органаў, што гэтыя матэрыялы дагэтуль выяўляюцца на розных прыладах.
У 2021 годзе Apple прыняла праграму выяўлення CSAM. З дапамогай тэхналогіі NeuralHash кампанія планавала выяўляць такія выявы ў iCloud, але адмовілася ад праграмы праз боязь праваабаронцаў і экспертаў у галіне канфідэнцыйнасці, якія папярэджвалі пра рызыкі яе неправамернага выкарыстання. Пазоўнікі лічаць, што адмова ад праграмы дэманструе «наўмыснае грэбаванне бяспекай дзяцей».
У пазове, які быў пададзены ў акруговы суд ЗША ў Паўночнай Каліфорніі, сцвярджаецца, што Apple парушыла свае абяцанні абараніць такіх ахвяр, адмовіўшыся ад сістэмы NeuralHash. Таксама ў пазове гаворыцца, што Apple прадае дэфектныя прадукты, якія наносяць шкоду ахвярам сэксуальнага гвалту над дзецьмі. Кампанія кароткачасова паказала «шырока разрэкламаваны палепшаны дызайн, накіраваны на абарону дзяцей», але «затым не змагла рэалізаваць гэтыя распрацоўкі або прыняць аніякія меры для выяўлення і абмежаванні» CSAM.
Пазоў накіраваны на змену практыкі Apple і выплату кампенсацыі патэнцыйнай групе з 2680 ахвяр. Паводле закону, ахвяры сэксуальнага гвалту над дзецьмі маюць права на мінімальную кампэнсацыю ў памеры $150 тысяч долараў. Гэта азначае, што агульная сума пазову, з улікам звычайнага патраення шкоды, можа перавысіць $1,2 мільярда, калі суд прызнае Apple вінаватай.
На працягу многіх гадоў Apple паведамляла пра ўсё меншую колькасць выпадкаў выяўлення CSAM, чым яе канкурэнты, фіксуючы невялікую долю таго, што знаходзяць Google і Facebook. Кампанія тлумачыла, што яна абараняе канфідэнцыйнасць карыстальнікаў, праз што яе доля ў выяўленых матэрыялах CSAM невялікая. Аднак праваабаронцы крытыкавалі кампанію за тое, што яна не робіць больш для прадухілення распаўсюджвання такіх матэрыялаў.
Рэлацыраваліся? Цяпер вы можаце каментаваць без верыфікацыі акаўнта.