Николай Чикишев world 8 красавіка 2026, 12:31

Праца за дваіх: у ІТ з'явілася новая ключавая пазіцыя — вось якая

У тэхналагічнай індустрыі ўсё больш значэння набываюць прадакт-інжынеры (product engineer): прафесія, якая спалучае функцыі распрацоўшчыка і прадуктовага менеджара.

1 каментарый

Праца за дваіх: у ІТ з'явілася новая ключавая пазіцыя — вось якая

У тэхналагічнай індустрыі ўсё больш значэння набываюць прадакт-інжынеры (product engineer): прафесія, якая спалучае функцыі распрацоўшчыка і прадуктовага менеджара.

Пра гэта заявіў кіраўнік напрамку росту ў Anthropic Амол Авасарэ ў падкасце Lenny’s Podcast. Паводле яго, інструменты ШІ, такія як Claude Code, ужо павялічылі прадуктыўнасць інжынераў у 2–3 разы.

Аднак памеры камандаў пры гэтым не змяніліся, праз што нагрузка на прадуктовых менеджараў і дызайнераў рэзка ўзрасла. «PM і дызайн проста заціснуты», — адзначыў Авасарэ.

У выніку кампаніі сутыкаюцца з выбарам: альбо наймаць больш прадуктовых менеджараў, альбо змяняць саму мадэль працы. У Anthropic ужо тэстуюць другі варыянт — дэлегаванне часткі функцый PM самім распрацоўшчыкам.

Калі праект можна рэалізаваць за два тыдні ці хутчэй, інжынер бярэ на сябе не толькі распрацоўку, але і задачы прадуктовага кіравання: узаемадзеянне з юрыстамі, каардынацыю з іншымі камандамі і прыняцце прадуктовых рашэнняў.

«Мы проста назначаем інжынераў міні-PM», — патлумачыў Авасарэ. Паводле яго, такі падыход можа стаць новай нормай у індустрыі, асабліва ў кампаніях, якія ствараюць складаныя тэхнічныя прадукты.

Ідэю гібрыднай ролі раней агучваў і кіраўнік Zencoder Эндру Філеў. На канферэнцыі HumanX ён заявіў, што развіццё вайб-кодынгу прыводзіць да з’яўлення прадакт-інжынераў, што аб’ядноўваюць навыкі інжынера і прадуктовага менеджара.