Раней адміністрацыя Трампа зрабіла выключэнне з новай тарыфнай палітыкі для электронных прылад, што ўвозяцца ў ЗША. Цяпер высветлілася, што паслабленні ўвялі толькі на некаторы час.
Раней адміністрацыя Трампа зрабіла выключэнне з новай тарыфнай палітыкі для электронных прылад, што ўвозяцца ў ЗША. Цяпер высветлілася, што паслабленні ўвялі толькі на некаторы час.
Міністр гандлю ЗША Говард Лютнік заявіў, што прынятае адміністрацыяй Трампа рашэнне аб вызваленні электронных прылад, уключаючы смартфоны, айфоны і ноўтбукі, ад мыт з’яўляецца толькі часовай мерай. У бліжэйшыя месяцы на гэтыя тавары будуць накладзены асобныя пошліны.
«(Электроніка) вызваленая ад узаемных мыт, але яна ўключаная ў тарыфы на паўправаднікі, якія ўступяць у сілу, імаверна, праз месяц-два», — сказаў Лютнік у эфіры ABC. Ён адзначыў, што тарыфы, скіраваныя на канкрэтныя сектары, жыццёва важныя для нацыянальнай бяспекі, будуць уведзеныя на працягу наступных некалькіх месяцаў.
Прэзідэнт Дональд Трамп паспрабаваў праясніць сітуацыю з тарыфамі на высокатэхналагічную прадукцыю з Кітая ў сваёй сацсетцы Truth: «НІХТО не застанецца беспакараным за несправядлівыя гандлёвыя балансы і неграшовыя тарыфныя бар’еры, якія іншыя краіны выкарыстоўваюць супраць нас, асабліва Кітай, які, безумоўна, ставіцца да нас горш за ўсіх».
Сенатар-дэмкрат Элізабэт Уорэн назвала змяненне тарыфнай палітыкі і льготы для смартфонаў і камп’ютараў «хаосам і карупцыяй». «Інвестары не будуць інвеставаць у Злучаныя Штаты, калі Дональд Трамп гуляе ў „святлафор“ з тарыфамі і кажа: „О, а для маіх асаблівых донараў вы атрымліваеце спецыяльнае вызваленне“», — адзначыла Уорэн.
Тарыфы ЗША на кітайскі імпарт цяпер складаюць 145%, а Кітай у адказ увёў 125%-ныя пошліны на ўвесь імпарт з ЗША. Сі Цзіньпін заявіў, што Кітай «не баіцца» новых амерыканскіх мераў, але не плануе павышаць тарыфы. Дырэктар Нацыянальнай эканамічнай рады Кевін Хасэт паведаміў, што 130 краін вядуць перамовы аб тарыфах з ЗША пасля ўвядзення 90-дзённай паўзы ў пытанні ўзаемных мыт, за выключэннем Кітая.
Рэлацыраваліся? Цяпер вы можаце каментаваць без верыфікацыі акаўнта.