Аддзел навін 9 жніўня 2023, 12:23

Распрацоўшчыкі Stable Diffusion запусцілі АІ-генератар кода

Stability AI паказала сваю першую вялікую моўную мадэль, якая ўмее пісаць код.

Tablecode навучалі на даных праекта Big Code, які змяшчае адкрыты зыходны код на розных мовах. Мадэль падтрымлівае такія мовы, як Python, Java, JavaScript, Go, C і C++. Яна закліканая дапамагчы праграмістам у паўсядзённай працы, а распрацоўшчыкам-пачаткоўцам — у навучанні праграмаванню.

StableCode даступная ў трох версіях: базавая для агульных сцэнароў выкарыстання, мадэль для інструкцый, прызначаная для вырашэння складанейшых задач, і прасунуты варыянт з кантэксным акном да 16 тысяч токенаў, які дазваляе выкарыстоўваць складанейшыя падказкі і здольны апрацаваць большы аб’ём кода. Таксама мадэль здольная працаваць з буйнымі праектамі, якія складаюцца з некалькіх файлаў.