1000+ чытачоў адказалі, што такое dev.by. Паказваем без цэнзуры!
Напярэдадні 15-годдзя (так супала) мы папрасілі ўсебаковага фідбэку пра dev.by у чытачоў і чытачак.
Анкету запоўнілі 1134 чалавекі! Рэдакцыя сардэчна ўсім дзякуе, вы нам вельмі дапамаглі.
Большая частка інсайдаў і высноў з рэсёрчу аўдыторыі — для ўнутранага карыстання: мы пастараемся па максімуму выкарыстаць фідбэк, каб палепшыць ваш чытацкі і карыстальніцкі досвед.
Але мы пакажам самае цікавае — як вы нас бачыце.
Вось галоўныя факты пра ўдзельнікаў і ўдзельніц рэсёрчу аўдыторыі:
Важна: на картцы вышэй — не партрэт аўдыторыі. Фішка ў тым, што ў нашых рэсёрчах звычайна ўдзельнічае «ядро» — самыя актыўныя чытачы і карыстальнікі. Партрэт «ядра» моцна адрозніваецца ад партрэта «сярэдняга» чытача — і дэмаграфічна, і геаграфічна, і па многіх іншых пунктах. Напрыклад, паводле даных Google Analytics, нас чытае 47% жанчын і 53% мужчын. Ядро ж — на 75+% мужчынскае, і гэта адлюстроўваецца ў кожным рэсёрчы. Увогуле, на картцы — па сутнасці, партрэт нашага «ядра».
Любое пытанне ў анкеце можна было прапусціць. Тым не менш, 640+ удзельнікаў рэсёрчу не паленаваліся адказаць, што такое для іх dev.by.
Паказваем пазітыўныя водгукі. Іх было нечакана шмат, і гэта вельмі прыемна.
А цяпер збіваем градус пафасу і паказваем негатыў. Амаль увесь! Калі ваш не змясціўся — пакіньце, калі ласка, у каментах :)
А тут пажаданні, якой інфармацыі трэба больш/менш. Часам яны добра ілюструюць, як адрозніваюцца інтарэсы розных груп аўдыторыі: напрыклад, прыкладна аднолькавая колькасць чытачоў лічыць, што матэрыялаў пра рэлакейт зашмат/замала.
Усе хочуць больш пазітыву і гісторый пра Беларусь. Дарэчы, мы таксама (але ёсць нюансы). Можам абяцаць напэўна: дзяліцеся з намі пазітывам — і яго будзе больш.
ДЗЯКУЙ!
Мы пастараемся ўлічыць усе ідэі, заўвагі і прапановы, і захаваем кантакты ўсіх, хто імі падзяліўся.
Вашая гатоўнасць дапамагаць нам фідбэкам, каментарамі, інфармацыяй — самы каштоўны рэсурс, які ў нас ёсць.
Ну, не лічачы данатаў :)
Калі вы ўваходзіце ў 53%, якія плануюць аднойчы заданаціць, сёння ідэальны дзень:
И ещё криптой, тут гаманцы.
Дзякуй, што прачыталі гэтае паведамленне.
Читать на dev.by