Касмічная кампанія Ілана Маска фармуе буйную сетку спадарожнікаў-шпіёнаў у рамках сакрэтнай дамовы з Нацыянальным упраўленнем ваенна-касмічнай выведкі (NRO) ЗША. Пра гэта журналістам Reuters паведамілі пяць крыніц, інфармаваныя пра праект.
Касмічная кампанія Ілана Маска фармуе буйную сетку спадарожнікаў-шпіёнаў у рамках сакрэтнай дамовы з Нацыянальным упраўленнем ваенна-касмічнай выведкі (NRO) ЗША. Пра гэта журналістам Reuters паведамілі пяць крыніц, інфармаваныя пра праект.
Спадарожнікі будуе падраздзяленне SpaceX Starshield. Сума кантракта складае $1,8 млрд. Ён быў укладзены ў 2021 годзе.
Сетка будзе налічваць сотні нізкаарбітальных апаратаў, якія будуць рабіць здымку паверхні Зямлі. У выпадку поспеху праект значна павысіць здольнасць амерыканскага ўрада і вайскоўцаў аператыўна выяўляць патэнцыйныя мэты ва ўсім свеце.
Калі спадарожнікі-шпіёны будуць уведзеныя ў строй і ці прыцягнутыя да праекта іншыя кампаніі праз уласныя кантракты, журналістам даведацца не ўдалося. Паводле слоў некалькіх крыніц, ад 2020 года было запушчана прыкладна дзесяць прататыпаў разам з іншымі спадарожнікамі SpaceX на ракетах Falcon 9. «Ніхто не схаваецца», — апісаў патэнцыйныя магчымасці сістэмы адзін з суразмоўцаў Reuters.
У NRO пацвердзілі намер распрацаваць наймагутнейшую ў свеце спадарожнікавую сістэму для разведкі і відэаназірання ў партнёрстве з іншымі органамі, кампаніямі, даследчымі арганізацыямі і краінамі. Але каментаваць супрацоўніцтва са SpaceX там адмовіліся.
Рэлацыраваліся? Цяпер вы можаце каментаваць без верыфікацыі акаўнта.