Цэны на расійскі софт на мясцовым рынку за першыя пяць месяцаў года падскочылі на 15-20%, піша «Камерсант» са спасылкай на ўдзельнікаў рынку і экспертаў. Гэта прыкладна столькі ж, колькі за ўвесь 2023 год.
Цэны на расійскі софт на мясцовым рынку за першыя пяць месяцаў года падскочылі на 15-20%, піша «Камерсант» са спасылкай на ўдзельнікаў рынку і экспертаў. Гэта прыкладна столькі ж, колькі за ўвесь 2023 год.
Паводле даных экспертаў, самы значны рост цэн быў зафіксаваны ў катэгорыі сродкаў абароны, сістэмнага і офіснага софту. Кошт «скрыначнага» софту павялічылі пераважна буйныя вендары.
Крыніца «Камерсанта» ў адной ІБ-кампаніі кажа, што кошт такіх рашэнняў у сярэднім вырас на 15%, хоць ёсць група вендараў, якія падвысілі цэны на 30%. Пры гэтым інфляцыя ў Расіі ў гадавым выражэнні складае 8,46%.
У 2023 годзе рост кошту расійскага софту ў сярэднім склаў 20% год да года. У першай палове мінулага года шэраг буйных кампаній падпісаў з Мінлічбы «цэнавую хартыю» з забавязаннем добраахвотна стрымліваць цэны на ўзроўні 15% гп год з улікам інфляцыі.
Скачок цэн тлумачыцца павышэннем запытаў кліентаў ІТ-кампаній, якія пачалі ўкараняць расійскія прадукты, што прывяло да павелічэння тэхнічных патрабаванняў. Іншая прычына — дэфіцыт кадраў і патрабаванні супрацоўнікаў аб павышэнні зарплаты на высокаканкурэнтным рынку. Спецыялісты могуць патрабаваць прыбаўку раз на квартал, і ўтрымаць кошты на прадукты ў такіх умовах складана, кажуць суразмоўцы выдання.
Яшчэ адным фактарам стала будучае вяртанне падатку на прыбытак для ІТ-кампаній, які рэзка скарацілі ў 2020 годзе і цалкам скасавалі ў 2022-м, каб падтрымаць ІТ-галіну спачатку ў перыяд пандэміі, а затым на фоне санкцый. Ён складзе 5%. Некаторыя кампаніі ў сувязі гэтым ужо пачалі пераглядаць цэны на прадукцыю, але чакаецца, што тэндэнцыя максімальна выявіцца ў 3 квартале.
Рэлацыраваліся? Цяпер вы можаце каментаваць без верыфікацыі акаўнта.
Ну а как подымут - так ещё раз подорожает.