Аддзел навін 22 снежня 2022, 14:06

Расія будзе браць 10% «добраахвотнага ўнёску» ў бюджэт пры продажы актываў замежнікамі

Падкамісія расійскага Мінфіна па выдачы дазволаў на продаж актываў замежнымі кампаніямі з «недружалюбных краін» прыняла чатыры крытэры, якімі цяпер будзе кіравацца пры ўхваленні ўгод.

Адзін з іх — выплата «добраахвотнага ўнёску» ў федэральны бюджэт не меншага за 10% аперацыі. Альтэрнатыва — згода на растэрміноўку плацяжу для пакупніка на 1-2 гады. Пра гэта РБК расказалі чатыры крыніцы, інфармацыю пацвердзіла прэс-служба ведамства.

Пакінуць каментарый

Падкамісія расійскага Мінфіна па выдачы дазволаў на продаж актываў замежнымі кампаніямі з «недружалюбных краін» прыняла чатыры крытэры, якімі цяпер будзе кіравацца пры ўхваленні ўгод.

Адзін з іх — выплата «добраахвотнага ўнёску» ў федэральны бюджэт не меншага за 10% аперацыі. Альтэрнатыва — згода на растэрміноўку плацяжу для пакупніка на 1-2 гады. Пра гэта РБК расказалі чатыры крыніцы, інфармацыю пацвердзіла прэс-служба ведамства.

Хто будзе выплачваць унёсак — замежны прадавец ці расійскі пакупнік актыву, — не ўдакладняецца.

Сярод іншых крытэраў:

незалежная ацэнка кошту актываў;
продаж актыву са зніжкай у памеры не меншым за 50% ад кошту, вызначанага ў ходзе незалежнай ацэнкі;
вызначэнне ключавых паказчыкаў эфектыўнасці (KPI) для новых акцыянераў (уласнікаў).

У чэрвені кіраўнік расійскай рады прамыслоўцаў і прадпрымальнікаў Аляксандр Шохін раскрываў, што замежнікі прадаюць бізнэс у Расіі са зніжкай не меншай за 50% да «апошняй афіцыйнай ацэнкі», а міністр фінансаў Антон Сілуанаў пацвярджаў, што гэта адная з умоў. «Цэнтр стратэгічных распрацовак» у кастрычніку ацэньваў, што ў сярэднім дысконты па продажы расійскіх падраздзяленняў замежнымі кампаніямі складаюць каля 70%.