Аддзел навін 31 сакавіка 2023, 11:28

Расія заказвала софт для ізаляцыі інтэрнэту і кіравання фабрыкамі троляў

Журналісты 11 выданняў, уключаючы Süddeutsche Zeitung, The Guardian, Washington Post, Paper Trail Media, «Важных гісторый» і іншых, вывучылі архіў «Вулкана» — малавядомай ІТ-кампаніі з Масквы, якая працуе над сакрэтнымі праектамі для расійскіх спецслужбаў.

4 каментарыя

Расія заказвала софт для ізаляцыі інтэрнэту і кіравання фабрыкамі троляў

Журналісты 11 выданняў, уключаючы Süddeutsche Zeitung, The Guardian, Washington Post, Paper Trail Media, «Важных гісторый» і іншых, вывучылі архіў «Вулкана» — малавядомай ІТ-кампаніі з Масквы, якая працуе над сакрэтнымі праектамі для расійскіх спецслужбаў.

Праз некалькі дзён пасля пачатку ўварвання Расіі ва Украіну з нямецкай газетай Süddeutsche Zeitung звязалася ананімная крыніца і паведаміла, што хоча падзяліцца дакументамі пра шпіёнскія праграмы, якія распрацоўваюцца на заказ расійскіх устаноў. Яна матывавала гэта падзеямі ва Украіне і пазней перадала архіў «Вулкана», патлумачыўшы, што за кампаніяй стаяць ГРУ і ФСБ.

У кампаніі працуе крыху больш за 130 чалавек, выручка ў 2021 годзе крыху перавысіла 1 млрд расійскіх рублёў (каля $13 млн). Яе заснавальнікі — Антон Маркаў і Аляксандр Іржаўскі. Кампанія на заказ Мінабароны, ФСБ і СВР распрацоўвае праграмнае забеспячэнне для расійскіх кібератак, кіравання фабрыкай троляў і ізаляцыі інтэрнэту.

Асноўная частка архіва «Вулкана» тычыцца праектаў для Мінабароны. Адным з іх быў праект пад шыфрам «Амезіт», запушчаны ў 2016 годзе. Яго мэтай была распрацоўка інструмента для сачэння за ўсімі інтэрнэт-карыстальнікамі на зададзенай тэрыторыі, блакаванне доступу да непажаданых сайтаў і перанакіраванне на прапагандысцкія артыкулы, раскручаныя ботамі.

Киев: в России планируют крупные кибератаки против Украины и её союзников

Расследование Microsoft: кибератаки из России нацелены на страны НАТО

Эксперты ў інфармацыйнай бяспецы, якім «Важныя гісторыі» паказалі дакументы, мяркуюць, што гэтая сістэма стваралася для выкарыстання за мяжой, у тым ліку ва Украіне. Адной з галоўных умоў працы комплексу быў фізічны доступ да тэлекам-абсталявання. У архіве «Вулкана» няма звестак пра тое, дзе і як выкарыстоўвалася тая частка «Амезіта», якая адказвае за ізаляцыю інтэрнэту.

Таксама «Амезіту» адводзіцца роля пункта кіравання велізарнай фабрыкай троляў. З дапамогай гэтай праграмы службоўца Мінабароны можа ў адзін клік стварыць сотні ботаў у розных сацсетках (Facebook, Twitter, YouTube) і даць ім розныя заданні: публікаваць пасты і відэа, каментаваць, лайкаць, накручваць прагляды.

Журналісты знайшлі прыклады ўдзелу ботаў, створаных «Амезітам», у рэальных кампаніях, напрыклад у перыяд парламенцкіх выбараў у Арменіі ў 2017 годзе. Таксама тролі «Вулкана» «раскручвалі» англамоўны артыкул, які ганіць Хілары Клінтан, напярэдадні прэзідэнцкіх выбараў у ЗША ў 2016 годзе.

У тых выбарах перамог рэспубліканец Дональд Трамп. Пазней амерыканскія праваахоўнікі даказалі, што расійскае кіраўніцтва ўмешвалася ў ход галасавання, у тым ліку з дапамогай ботаў, якія падтрымлівалі Трампа, але тады гаворкі пра «Вулкан» не было. Цяпер кампанія не знаходзіцца ў санкцыйных спісах ані ЗША, ані ЕС.