Ля Мінска шукаюць метэарыт

Метэарыт упаў 25 снежня. Падзенне аскепкаў зафіксавалі тры камеры Беларускай метэорнай сеткі. Вага аскепкаў вар'іруецца ад 10 грам да аднаго кілаграма. Агульная маса метэарытнага рэчыва, якое выпала, —некалькі кілаграмаў.

Паведамляецца, што метэарыт можа мець чорную абвугленую корку з расколінамі і сколамі, чорную аплаўленую матавую паверхню або карычневы іржава-буры колер. Метэарыт таксама мае прыцягваць магніт.

«Унікальная знаходка метэарыта мае вялікае навуковае значэнне і можа стаць шостым вядомым метэарытам на тэрыторыі Беларусі», — паведамілі ў Мінскім планетарыі

19 студзеня валанцёры правялі першыя пошукі метэарыта. Як патлумачылі «Анлайнеру» ў Мінскім планетарыі, пошукі пачаліся толькі цяпер, а не пры канцы мінулага года, праз умовы надвор’я.

«Мы разлічвалі карту падзення, а як толькі скончылі, выпаў снег, і пошукі сталі немагчымымі. Цяпер умовы спрыяльныя: снег сышоў з палёў, і ў нядзелю арганізавалі разведку мясцовасці», — адзначылі ў планетарыі.