Николай Чикишев 8 кастрычніка 2024, 12:08

«Самая вялікая ўцечка са склада»: расійскія блогеры публікуюць ролікі з MacBook Pro M4 да яго анонсу

Гэтым месяцам чакаецца чарговая прэзентацыя кампаніі, на якой пакажуць абноўлены MacBook Pro з працэсарам M4. Але ўцечак ўжо зашмат.

Пакінуць каментарый

«Самая вялікая ўцечка са склада»: расійскія блогеры публікуюць ролікі з MacBook Pro M4 да яго анонсу

Гэтым месяцам чакаецца чарговая прэзентацыя кампаніі, на якой пакажуць абноўлены MacBook Pro з працэсарам M4. Але ўцечак ўжо зашмат.

Расійскі блогер Wylsacom апублікаваў ролік з распакаваннем навінкі. Паводле яго слоў, ён набыў гаджат у прыватнай групе ў фэйсбуку. Пры аглядзе блогер схаваў серыйны нумар ноўтбука. Мяркуючы з агляду, упакоўка адпавядае даным, якія публікаваліся з ранейшых уцечак.

У апісанні на пакунку сказана, што прылада абсталяваная 16 Гбайт аператыўнай памяці і накапляльнікамі на 512 Гбайт. У ноўтбука тры інтэрфейсы Thunderbolt 4, адзін HDMI, слот для SD-карт і раздым MagSafe для падсілкавання. MacBook Pro мае працэсар M4 з 10 ядрамі CPU і 10 ядрамі GPU.

Для параўнання: актуальны MacBook Pro з чыпам M3 мае два парты Thunderbolt 4 і 8 Гбайт аператыўнай памяці. У бэнчмарке Geekbench у аднаядзерным рэжыме ноўтбук набраў 3864 балы, у шмат’ядзерным — 15 288 балаў. MacBook Pro з M3 набраў 3000 і 11 800 балаў адпаведна.

Журналіст Bloomberg Марк Гурман звярнуў увагу на ролік іншага расійскага блогера Romancev768, які таксама апублікаваў відэа з аглядам навінкі. Гурман назваў патэнцыйную ўцечку «беспрэцэдэнтнай». «Гэта, верагодна, самая вялікая ўцечка са склада, якую я калі-небудзь бачыў», — напісаў журналіст, паказаўшы таксама на раннія выяў ноўтбука.