Сан-Францыска стаў цэнтрам ШІ-рэвалюцыі апошніх гадоў. Але на мінуўшай канферэнцыі Tech Week у Нью-Ёрку, спансаванай інвестфірмай Andreessen Horowitz, стартапы і ІТ-супольнасць горада далі выразна зразумець: ён больш не даганяе Заходняе ўзбярэжжа, а набірае хуткасць і прэтэндуе на лідарства.
Сан-Францыска стаў цэнтрам ШІ-рэвалюцыі апошніх гадоў. Але на мінуўшай канферэнцыі Tech Week у Нью-Ёрку, спансаванай інвестфірмай Andreessen Horowitz, стартапы і ІТ-супольнасць горада далі выразна зразумець: ён больш не даганяе Заходняе ўзбярэжжа, а набірае хуткасць і прэтэндуе на лідарства.
«У Нью-Ёрку ёсць усё, у што можна ўкладваць. Ёсць экасістэмы, агенты, аплікацыі. Гэта развітыя кампаніі з гатовымі прадуктамі, якія пачынаюць атрымліваць даход», — сказала кіраўніца аддзела венчурных інвестыцый IBM Эмілі Фантэн.
У Сан-Францыска базуюцца галоўныя ШІ-кампаніі накшталт OpenAI і Anthropic. Але ў OpenAI таксама нядаўна з’явіўся офіс у Нью-Ёрку, і гэты горад ужо даўно з’яўляецца аплотам фінтэха, хелстэха, легалтэха і спажывецкіх стартапаў — сфер, якія ШІ актыўна трансфармуе. Прадстаўнікі тэхнасупольнасці Нью-Ёрка ўпэўнены: усё гэта кажа пра тое, што горад ужо сярод лідараў па развіцці і ўтрыманні ШІ-талентаў.
Фантэн дадала, што ў Нью-Ёрку моцныя фаўндэры і стартапы, якія надзвычай сфакусаваны на прадукце і актыўна імкнуцца да выручкі — менавіта гэта асабліва імпануе ёй як інвестару. А ў Сан-Францыска падобную бізнес-скіраванасць яна бачыць не заўсёды.
Кіраўнік арганізацыі Tech:NYC Джулі Сэмьюэлс натхнёная нью-ёркскімі ШІ-стартапамі, якія працуюць над інфраструктурай і медыцынскімі рашэннямі. «Людзі едуць у Нью-Ёрк не для таго, каб жыць у інтэрнаце і кодзіць па начах без зносін з астатнім светам», — адзначыла яна.
Унікальнасць мясцовай ІТ-супольнасці яна бачыць у тым, што яе ўдзельнікі ўцягнуты ў культурную і арт-сцэну, не звязаную з працай. «Ньюёркцы наймаюць. Людзі хочуць жыць тут — хацелі, хочуць і будуць хацець», — падкрэсліла яна.
Удзельнікі Tech Week падтрымліваюць імклівы рух Нью-Ёрка ў бок ШІ. Многія госці мерапрыемства распавядалі журналістам Business Insider, што ўжо пераехалі з Сан-Францыска ў Нью-Ёрк або сур’ёзна задумваюцца пра гэта.
Мясцовыя і дзяржаўныя ўлады таксама падтрымліваюць развіццё ШІ ў Нью-Ёрку. Губернатар штата Кэці Хокул гаварыла пра планы выкарыстоўваць ШІ для навучання 100 тысяч дзяржаўных служачых. Ва Універсітэце Олбані будуецца ШІ-суперкамп’ютар за $16,5 млн.
Апроч гэтага, у Нью-Ёрку базуецца шмат ШІ-стартапаў. Напрыклад, распрацоўшчык фінансавых ШІ-агентаў для малога бізнесу Affiniti, распрацоўшчык памочніка для лекараў на базе ШІ Navina, сэрвіс Legora, які дапамагае юрыстам складаць і аналізаваць кантракты, а таксама ШІ-сацсетка для маладых прафесіяналаў Series. Усе яны ў апошнія месяцы прыцягнулі ад некалькіх мільёнаў да дзясяткаў мільёнаў даляраў.
Рэлацыраваліся? Цяпер вы можаце каментаваць без верыфікацыі акаўнта.