Мабільны паблішар SayGames перастане выдаваць гіперказуальныя гульні і пераарыентуецца на гібрыдна-казуальныя праекты з глыбейшым геймплэем, LiveOps — унутрыгульнявымі падзеямі, актыўнасцямі і кантэнтам — і змяшанай мадэллю манетызацыі на аснове ўнутрыгульнявых пакупак і рэкламы. Пра гэта парталу MobileGamer расказаў сузаснавальнік і гендырэктар кампаніі Ягор Вайханскі.
Мабільны паблішар SayGames перастане выдаваць гіперказуальныя гульні і пераарыентуецца на гібрыдна-казуальныя праекты з глыбейшым геймплэем, LiveOps — унутрыгульнявымі падзеямі, актыўнасцямі і кантэнтам — і змяшанай мадэллю манетызацыі на аснове ўнутрыгульнявых пакупак і рэкламы. Пра гэта парталу MobileGamer расказаў сузаснавальнік і гендырэктар кампаніі Ягор Вайханскі.
Паводле яго слоў, гэты год будзе складаным для студый, якія разлічваюць на «старую формулу поспеху гіперказуальных гульняў». Цяпер поспех будзе залежаць ад іх здольнасці ствараць глыбейшы гульнявы досвед і жадання паблішараў дапамагчы ім расці ў гэтым кірунку.
«Сёння стала складаней запусціць паспяховую гіперказуальную гульню ў параўнанні з 2021 годам, паколькі для гэтага патрэбныя прасунутыя інструменты для аналітыкі прадукту, маркетынгавы досвед і ў цэлым больш якасныя гульні. Рэкламная манетызацыя найбліжэйшым часам нікуды не падзенецца, але рынкавыя ўмовы, якія змяняюцца, патрабуюць ад распрацоўшчыкаў і выдаўцоў хутка адаптавацца і ўдасканальвацца», — адзначыў Вайханскі.
Прадпрымальнік дадаў, што для пераходу на гібрыдную мадэль SayGames актыўна інвеставала ва ўласныя інструменты для сегментавання аўдыторыі і распрацоўку сістэмы ўнутрыгульнявых прапаноў, і цяпер кампанія займаецца гульнямі ўсіх жанраў. У рабоце ў SayGames самыя разнастайныя праекты ад казуальных галаваломак да хадкорнага картачнага батлера.
Рэлацыраваліся? Цяпер вы можаце каментаваць без верыфікацыі акаўнта.