EPAM узначаліла топ-100 найбуйнейшых беларускіх бізнесаў у Польшчы

Паводле падлікаў канала, сукупны даход беларускіх кампаній, што працуюць на рынку Польшчы, вырас па выніках 2024 года на 5% да рэкордных 19,9 млрд злотых (€4,6 млрд). Найбольшы ўклад у гэтую суму ўнесла польскае падраздзяленне EPAM. Прычым EPAM Systems (Poland) узначаліла топ другі год запар.

Як адзначаюць аўтары, беларускі бізнес-сегмент у польскай эканоміцы дэманструе рост, але ён запавольваецца. Сукупны прыбытак удзельнікаў топ-100 за год павялічыўся з 10,7 млрд злотых да 11,5 млрд. Таксама павысіўся парог пападання ў першую сотню — з 22,7 млн злотых па выніках 2023 года да 28,8 млн.

Большасць кампаній — у сферы гандлю. ІТ-сектар, як і годам раней, прадстаўлены 17 кампаніямі — ён страціў статус драйвера і блізкі да стагнацыі. Тытул адабрала транспартна-лагістычная сфера, на якую ў свежым топе прыпадае амаль траціна кампаній.

У польскую экасістэму EPAM, якая працуе на мясцовым рынку з 2011 года, у 2024-м уваходзілі цэнтры распрацоўкі ў 6 гарадах. Таксама на польскім рынку знаходзяцца офісы яшчэ дзвюх кампаній, якія належаць EPAM Systems — First Derivative Poland і Polsource, якая таксама ўвайшла ў топ-100.

Акрамя EPAM у топавую дзясятку з айцішных кампаній трапіла толькі Innowise, якой валодаюць браты Павел і Сяргей Арловы. У папярэднім рэйтынгу яна была 11-й. З топ-10 на фоне зніжэння продажаў выпала Vention Development Сяргея Каваленкі і Васіля Байко — год таму кампанія была на 8 радку.

Усяго ў топ-100 38 навічкоў. У іх ліку — Polsource, Andersen, польскае аддзяленне Capital.Com і завод па аднаўленні смартфонаў Breezy Poland. Сярод айцішных бізнесаў, якія пакінулі топ-100, — Digital Services Poland, SENLA і SayGames.

Астатнія размясціліся ў топ-100 так:

1. 1. EPAM Systems Poland (Кракаў) 1 940,1 млн злотых (у 2023 годзе — 1 924, 0 млн);
2. 10. Innowise (Варшава) 182,2 (156,0);
3. 11. Vention Development (Лодзь) 175,9 (204,2);
4. 12. 314Devs (Познань) 173,6 (129,7);
5. 15. Polsource (Кракаў) 149,4 (197,6);
6. 17. Andersen (Варшава) 144,7 (108,7);
7. 23. Coherent Solutions (Вроцлаў) 113,6 (117,8);
8. 27. IBA Poland (Вроцлаў) 97,3 (104,3);
9. 32. Itransition (Варшава) 84,9 (78,9);
10. 33. Pandadoc Poland (Варшава) 83,1 (83,8);
11. 39. Capital Com IP oddzial w Polsce (Варшава) 69,6 (19,6);
12. 42. Wargaming Warsaw (Варшава) 64,8 (33,5);
13. 45. Infatech (Варшава) 56,5 (28,2);
14. 65. Helmes-Solbeg (Варшава) 40,0 (42,5);
15. 72. Easybrain (Варшава) 37,4 (28,8);
16. 77. ITS Poland (Варшава) 36,0 (32,0);
17. 97. A1QA (Варшава) 29,1 (29,6);

Таксама 8 месца заняла варшаўская кампанія E100 International Trade са сферы электроннага гандлю.

У топ-100 залучаны кампаніі, у якіх доля грамадзян Беларусі складае не менш за 25% (выключэнне — дачка публічнага бізнесу EPAM Systems) і долямі ў якіх грамадзяне Беларусі валодалі не менш за месяц у справаздачным фінансавым годзе. Цалкам рэйтынг можна паглядзець тут.

EPAM расце ва Украіне ўпершыню з пачатку вайны

Па тэме

EPAM расце ва Украіне ўпершыню з пачатку вайны

На Кіпры стварылі сваю геймдэў-асацыяцыю, Wargaming сярод фаўндэраў

Па тэме

На Кіпры стварылі сваю геймдэў-асацыяцыю, Wargaming сярод фаўндэраў