Аддзел навін 12 кастрычніка 2023, 13:51

Супрацоўнік Nvidia трапіў у палон у Ізраілі

У нядзельным лісце да супрацоўнікаў СЕО Nvidia Джэнсен Хуанг паведаміў, што на выходных адзін з іх калег быў узяты ў закладнікі ХАМАС падчас атакі баевікоў на Ізраіль. Пра гэта піша Insider.

Пакінуць каментарый

Супрацоўнік Nvidia трапіў у палон у Ізраілі

У нядзельным лісце да супрацоўнікаў СЕО Nvidia Джэнсен Хуанг паведаміў, што на выходных адзін з іх калег быў узяты ў закладнікі ХАМАС падчас атакі баевікоў на Ізраіль. Пра гэта піша Insider.

Паводле слоў Хуанга, кампанія падтрымлівае сувязь з сям’ёй выкрадзенага супрацоўніка. Ён трапіў на відэа з музычнага фестывалю, якое разышлося па сеціве.

Дзейнасць Nvidia цесна звязаная з Ізраілем. У 2016 годзе тут з’явілася невялікая група даследчыкаў штучнага інтэлекту амерыканскай кампаніі. Цяпер Nvidia з’яўляецца адным з найбуйнейшых працадаўцаў у ізраільскім айці і налічвае тут больш за 3 тысячы супрацоўнікаў.

Раней на фоне абвастрэння канфлікту паміж Ізраілем і сектарам Газа Nvidia скасавала буйную канферэнцыю па АІ, якая мелася прайсці на гэтым тыдні ў Тэль-Авіве. У сваім імэйле гендырэктар кампаніі заклікаў падначаленых не выходзіць з дому і аддаць прыярытэт сваім сем’ям.