Кампанія Trump Media, якой належыць сацсетка Truth Social амерыканскага прэзідэнта Дональда Трампа, пачала тэставаць пашукавік на базе ШІ. Рухавік называецца Truth Search AI і створаны сумесна з Perplexity.
Кампанія Trump Media, якой належыць сацсетка Truth Social амерыканскага прэзідэнта Дональда Трампа, пачала тэставаць пашукавік на базе ШІ. Рухавік называецца Truth Search AI і створаны сумесна з Perplexity.
«Truth Search AI, распрацаваны на базе тэхналогій Perplexity — кампаніі, якая спецыялізуецца на стварэнні ШІ, што прадастаўляе дакладныя і празрыстыя адказы з указаннем крыніц, — закліканы ўмацаваць платформу Truth Social і значна пашырыць аб’ём інфармацыі, даступнай карыстальнікам», — гаворыцца ў прэс-рэлізе.
У Perplexity журналістам Business Insider распавялі, што Truth Social выкарыстоўвае яе Sonar API. Іншыя падрабязнасці і фінансавыя ўмовы ўгоды там абмяркоўваць адмовіліся.
Зараз пашукавік даступны ў рэжыме бэта-тэставання ў вэб-версіі Truth Social. У бліжэйшы час яго плануюць дадаць у аплікацыі для iOS і Android.
