SpaceX пазбавілася субсідый ЗША амаль на $900 млн

Раней у 2022 годзе рэгулятар адмовіўся вылучыць субсідыі за ўдзел у праграме, якая дае высакахуткасны доступ да інтэрнэту 642 тысячам хатніх гаспадарак у 35 штатах. Пасля няўдалага запуску ракеты-носьбіта Starship чыноўнікі палічылі, што Starlink можа не выканаць узятых забавязанняў.

Аднак не ўсе сябры камісіі пагадзіліся з рашэннем ведамства. Два прадстаўнікі-рэспубліканцы назвалі яго прыкладам ціску адміністрацыі Байдэна на бізнэс Ілана Маска. Яны заявілі, што дзейная ўлада ў ЗША ў цэлым злоўжывае рэгулятарнымі механізмамі для вырашэння палітычных задач.

Маск раскрытыкаваў рашэнне FCC у X, прапанаваўшы проста згарнуць праграму і вярнуць сродкі падаткаплацельшчыкам, а не траціць яе на канкурэнтаў Starlink, якія з «гэтай працай усё роўна не спраўляюцца». Нядаўняя ацэнка капіталізацыі SpaceX вырасла з $175 да $180 мільярдаў.