Николай Чикишев 2 лістапада 2022, 14:53

SpaceX запусціла найцяжэйшую ракету ў свеце ўпершыню за тры гады

Кампанія чацвёрты раз запусціла наймагутнейшую з дзейных у свеце ракет — звышцяжкую Falcon Heavy.

Палёт Falcon Heavy стаў першым з чэрвеня 2019 года, з тых часоў SpaceX правяла больш як 100 запускаў на ракеце Falcon 9. Новая місія атрымала кодавую назву USFF-44. З дапамогай ракеты ў космас адправілі сакрэтны апарат для патрэб амерыканскіх вайскоўцаў і даследчы спадарожнік TETRA-1. Пуск адбыўся са стартавага комплексу 39А Касмічнага цэнтра імя Джона Кенэдзі ў Фларыдзе. Заказчыкам пуску выступіла Міністэрства абароны ЗША.

Два бакавыя паскаральнікі Falcon 9 сінхронна аддзяліліся ад асноўнай ступені ракеты прыкладна ў 47 мілях (29 км) над зямлёй і праз некалькі хвілін зноў запусцілі свае рухавікі і прызямліліся на дзве пляцоўкі амаль адначасова.

Falcon Heavy — двухступеньчатая ракета-носьбіт звышцяжкага класа. Ракета створаная на базе носьбіта Falcon 9, мае 27 рухавікоў, якія дазваляюць ёй выводзіць на арбіту да 64 тон карыснай нагрузкі. Першую ступень ракеты і бакавыя паскаральнікі можна выкарыстоўваць паўторна, што істотна скарачае кошт запуску.