Николай Чикишев 26 чэрвеня 2024, 15:50

Stability AI знайшла новага гендырэктара пасля размоў пра банкруцтва

Новым гендырэктарам АІ-стартапа стане былы кіраўнік кампаніі па стварэнні спецэфектаў у анімацыі WetaFX Прэм Акараджу.

Акараджу дасталася кампанія на мяжы банкруцтва. У сакавіку гэтага года сузаснавальнік Stability AI Эмад Мостак сышоў з пасады гендырэктара на фоне сыходу ключавых супрацоўнікаў і акцыянераў, а таксама фінансавых цяжкасцяў.

Пасля сыходу Мостака яго працу выконвалі Шан Шан Вонг і Крысціян Лафартэ. Вонг перайшла на пасаду аперацыйнай дырэктаркі, Лафартэ стаў тэхнічным дырэктарам кампаніі.

Старшынёй рады дырэктараў прызначаны сузаснавальнік Napster і першы прэзідэнт Facebook Шон Паркер. Таксама ў Раду ўваходзіць былы кіраўнік Google Эрык Шміт.

Паводле даных Bloomberg, кампаніі ўдалося прыцягнуць інвестыцыі на суму ад $80 мільёнаў. Сярод інвестараў значацца Greycroft, Coatue Management, Lightspeed Venture Partners, а таксама сам Акараджу, Паркер і Шміт.