Stability AI выпусціла бясплатны АІ-генератар гуку

Stable Audio Open — адкрытая мадэль у фармаце Text-to-Audio, якая генеруе 47-секундныя музычныя сэмплы і гукавыя эфекты. Напрыклад, нейрасетка можа стварыць партыю для фартэпіяна, барабанны біт, гітарны рыф, шум дажджу і многае іншае. Для генерацыі музыкі неабходны тэкставы запыт. Ствараць новую музыку можна і на аснове даных карыстальніка.

У блогу кампаніі паказана, што бясплатная адкрытая мадэль адрозніваецца ад аднайменнай камерцыйнай. Закрытая версія можа генераваць троххвілінныя трэкі з прапрацаванай структурай. Таксама камерцыйная версія падтрымлівае рэжым Audio-to-Audio, у якім у якасці запыту можна перадаць ужо гатовы трэк.

Распрацоўшчыкі навучалі адкрытую мадэль на даных сэрвісаў FreeSound і Free Music Archive: для гэтага нейрасетка прааналізавала каля 486 тысяч сэмплаў. Гэта дазволіла выканаць усе патрабаванні што да аўтарскіх правоў. Пры гэтым карыстальнікі маюць азнаёміцца з ліцэнзіяй на выкарыстанне адкрытай нейрасеткі.