У Кітаі прапанавалі знішчаць спадарожнікі Starlink атамнай бомбай
Яшчэ ў лютым SpaceX пачала пастаўляць абсталяванне для спадарожнікавага інтэрнэту Starlink Украіне. Гэта занепакоіла ўлады Кітая: паводле слоў Ілона Маска, з яго ўзялі абяцанне, што на тэрыторыі азіяцкай краіны сэрвіс не з’явіцца.
На тле паспяховага прымянення Starlink украінскімі вайскоўцамі ў маі ў кітайскіх навуковых колах паўстала абмеркаванне пагрозы з боку глабальнай спадарожнікавай сеткі. Праблема ў тым, што знішчыць тысячы спадарожнікаў, не закрануўшы дружалюбныя касмічныя апараты, вельмі няпроста. Але кітайцы знайшлі рашэнне.
Яшчэ ў лютым SpaceX пачала пастаўляць абсталяванне для спадарожнікавага інтэрнэту Starlink Украіне. Гэта занепакоіла ўлады Кітая: паводле слоў Ілона Маска, з яго ўзялі абяцанне, што на тэрыторыі азіяцкай краіны сэрвіс не з’явіцца.
На тле паспяховага прымянення Starlink украінскімі вайскоўцамі ў маі ў кітайскіх навуковых колах паўстала абмеркаванне пагрозы з боку глабальнай спадарожнікавай сеткі. Праблема ў тым, што знішчыць тысячы спадарожнікаў, не закрануўшы дружалюбныя касмічныя апараты, вельмі няпроста. Але кітайцы знайшлі рашэнне.
Нядаўна ў рэцэнзаваным кітайскім навуковым часопісе Nuclear Techniques навукоўцы-фізікі Народна-вызваленчай арміі Кітая апублікавалі артыкул, у якім расказалі пра стварэнне мадэлі для разліку масавага вываду з ладу спадарожнікаў на арбіце. Сцвярджаецца, што мадэль вельмі дакладная і дазваляе правесці вылічэнні літаральна за хвіліны, што дае магчымасць блакаваць нават атакі гіпергукавой зброяй.
Ідэя ў тым, каб правесці адносна кіраваны выбух параўнальна слабой атамнай боегалоўкі магутнасцю 10 мегатон на зададзенай вышыні. Падрыў боезараду беспасярэдне на арбіце небяспечны, паколькі, па-першае, прадукты распаду ўтвараюцца ў абмежаваным аб’ёме, што не дасць патрэбнага знішчальнага эфекту, а па-другое, радыеактыўныя часціцы будуць захопленыя магнітным полем Зямлі і створаць высокарадыеактыўны пояс, які будзе пагражаць абсалютна ўсім касмічным апаратам.
Замест гэта прапанаваны выбух на вышыні 80 км, дзе яшчэ ёсць дастаткова паветра для ўтварэння радыеактыўнага воблака. Такое воблака за пяць хвілін паднімецца на вышыню 500 км і распаўсюдзіцца на 140 тысяч квадратных кіламетраў, а спадарожнікі пры яго праходжанні будуць часткова або цалкам пашкоджаныя. Так можна адной боегалоўкай вывесці з ладу сотні і тысячы спадарожнікаў на зададзенай арбіце і не нанесці шкоды дружалюбным апаратам.
Паводле слоў кітайскіх фізікаў, прапанаваная імі мадэль дакладна паўтарае паводзіны радыеактыўнага воблака ў вышынных выпрабаваннях ядзерных зарадаў, якія ў 1950-60-х гадах праводзілі ЗША ў раёне Гавайскіх выспаў.
Рэлацыраваліся? Цяпер вы можаце каментаваць без верыфікацыі акаўнта.