Стартап з беларускімі каранямі Animation Inc, які распрацоўвае віртуальных персанажаў, абвясціў пра партнёрства з падраздзяленнем Sony XYN. У межах супрацы ШІ-кампаньёны Animates будуць інтэграваныя з новымі прасторавымі дысплеямі Sony, што дазволіць візуалізаваць персанажаў без выкарыстання VR-шлемаў або спецыяльных акуляраў.
Стартап з беларускімі каранямі Animation Inc, які распрацоўвае віртуальных персанажаў, абвясціў пра партнёрства з падраздзяленнем Sony XYN. У межах супрацы ШІ-кампаньёны Animates будуць інтэграваныя з новымі прасторавымі дысплеямі Sony, што дазволіць візуалізаваць персанажаў без выкарыстання VR-шлемаў або спецыяльных акуляраў.
Апаратнай платформай для Animates стане новы кампактны 6-цалевы дысплэй прасторавай рэальнасці Sony ELF-MN1, анансаваны XYN 28 кастрычніка. Прылада са шчыльнасцю пікселяў 403 ppi генеруе 3D-выяву ў рэальным часе, адсочваючы становішча вачэй карыстальніка з дапамогай датчыкаў ды інфрачырвонага сэнсара, які працуе нават у цемры. Дысплэй падключаецца да смартфона або ПК праз адзіны кабель USB-C, з дапамогай якога таксама можа сілкаваць мабільную прыладу.
У адрозненне ад папярэдніх прафесійных мадэляў з дыяганаллю 15,6 і 27 цаляў (ELF-SR1 і ELF-SR2), новы гаджэт прызначаны для штодзённага выкарыстання на працоўным стале і заточаны пад узаемадзеянне з лічбавымі аватарамі. Прыкладанне Animates ўвайшло ў лік першых чатырох сервісаў, якія падтрымліваюць ELF-MN1 з моманту запуску.
Перадзамовы на Sony ELF-MN1 ужо адкрытыя — пакуль эксклюзіўна для рынку Японіі з арыенціровачнай цаной каля $340. Афіцыйны старт продажаў і пачатак паставак прыладаў запланаваны на 11 снежня.
Рэлацыраваліся? Цяпер вы можаце каментаваць без верыфікацыі акаўнта.