Стартап беларусаў убудаваў 14 праграм у бакавую панэль Chrome

Амерыканскі стартап Manganum з беларускімі заснавальнікамі паказаў функцыянальнае пашырэнне для бакавой панэлі Chrome. Ён забяспечвае хуткі доступ да 14-і праграм, аптымізаваных для бакавой панэлі браўзера: ChatGPT, Google Calendar, Keep, Tasks, Translator, Todoist, Grammarly, міні-гульні і г. д. Акрамя таго, стартап працуе над даданнем Gmail і Google Drive.

Пры канцы мая Google выпусціла 114-ю версію свайго браўзера Chrome, у якой дазволіла іншым распрацоўшчыкам інтэграваць свае пашырэнні ў бакавую панэль. Manganum распрацоўваў уласную бакавую панэль ад пачатку 2021 года, калі ў Google яшчэ не было планаў развіцця ўласнага сайдбара. Цяпер пашырэнне дазваляе выконваць задачы без пераключэння ўкладак браўзера і страты кантэксту.

У чэрвені 2023 года ў гэтым сегменце былі даступныя 23 пашырэнні з агульнай аўдыторыяй больш за 1 млн карыстальнікаў. Manganum, як запэўнівае каманда, «самае функцыянальнае» з усіх.

Сёння бакавая панэль з’яўляецца адной з самых запатрабаваных функцый і драйвероў росту для канкурэнта Chrome — Microsoft Edge. Але цяпер Edge закрыты для іншых распрацоўшчыкаў і прапануе карыстальнікам хуткі доступ усяго толькі да 11 праграм. Такім чынам, пашырэнні Chrome сёння маюць больш магчымасцяў для ўкаранення новага функцыяналу ў бакавую панэль.

dev.by, як і іншым сумленным медыя, сёння вельмі складана: рэдакцыя працуе па-за межамі краіны, а нашыя рэкламныя даходы скараціліся ў некалькі разоў. Але мы даем рады — з вашай дапамогай. Гэта вы дзеліцеся з намі інфанагодамі, думкамі, досведам, часам і ўвагай. А 210 чытачоў падтрымліваюць нас данатамі.

У 2023 годзе мы хочам сабраць 1000 чытачоў-падпісчыкаў. 

Дапамагчы нам можна праз Patreon. 

З Беларусі — праз Donorbox.

І яшчэ крыптой, тут гаманцы.

Дзякуй, што прачыталі гэтае паведамленне.