Николай Чикишев 22 лістапада 2022, 13:54

Стартап сузаснавальніка Neuralink паказаў імплант для людзей з праблемамі зроку

Кампанія Science Corp распрацавала зрокавы імплант Science Eye. Фірму стварыў у 2021 годзе сузаснавальнік і былы кіраўнік Neurolink Макс Ходак.

Пакінуць каментарый

Стартап сузаснавальніка Neuralink паказаў імплант для людзей з праблемамі зроку

Кампанія Science Corp распрацавала зрокавы імплант Science Eye. Фірму стварыў у 2021 годзе сузаснавальнік і былы кіраўнік Neurolink Макс Ходак.

Імпланты прызначаныя для лячэння хвароб вока, што правакуюць слепату. Прылада тэставалася на трусах, у найбліжэйшыя два гады кампанія плануе прыступіць да выпрабаванняў на людзях. Імплант — гэта святлодыёдная плеўка шырынёю два міліметры, якая ўсталёўваецца паўзверх сеткавіцы за павекам. Такая аперацыя займае дзве гадзіны, кампанія хоча скараціць гэты час удвая.

Для функцыянавання прылады ў вока пацыента ўводзяць штучны бялок — ён робіць клеткі зрокавага нерва адчувальнейшымі да святла. Пасля ўсталёўкі імпланта пацыент мае насіць спецыяльныя акуляры з убудаванымі камерамі і працэсарам. Яны пераўтвараюць відарыс у простыя сігналы, якія счытвае зрокавы нерв, але не аднаўляюць зрок як такі.