Стартапы ў Беларусі змогуць выпускаць свае токены
На анлайн-платформу Finstore, на якой размяшчаюцца і прадаюцца токены, дапусцяць беларускія стартапы. Цяпер гэтае пытанне абмяркоўваецца з Паркам высокіх тэхналогій, паведамляе Office Life.
На анлайн-платформу Finstore, на якой размяшчаюцца і прадаюцца токены, дапусцяць беларускія стартапы. Цяпер гэтае пытанне абмяркоўваецца з Паркам высокіх тэхналогій, паведамляе Office Life.
У Беларусі дастаткова жорсткія патрабаванні рэгулятара да кампаній, якія хочуць стаць эмітэнтам токенаў. Цяпер распрацоўваецца методыка па допуску так званых нулявых кампаній (стартапаў). Патрабаванні для іх будуць зніжаныя.
Наступнымі этапам на платформе сфарміруюць асобны сегмент для такіх эмітэнтаў, дзе будзе папярэджанне пра высокую ступень рызыкі. У выніку інвестары атрымаюць новы прадукт.
У Finstore адзначаюць, што такія запыты паступаюць на працягу двух гадоў. У тым ліку ад кампаній, якія займаюцца аптовым гандлем або тэхналогіямі.
Звычайна ў іх няма фінансавай справаздачнасці або яна мінімальная, так як кампанія працуе менш за год. У выніку стартапы не маглі прыцягваць інвестыцыі праз токены. За фінансавай падтрымкай яны ў тым ліку часцяком звярталіся да лізінгавых кампаніяй, якія ўжо размяшчаюцца на пляцоўцы.
Чакаецца, што магчымасць выпускаць токены з’явіцца ў стартапаў на пачатку вясны.
Finstore.by — анлайн-платформа, на якой размяшчаюцца і прадаюцца токены розных кампаній.
ТАА «ДФС» (аператар крыптаплатформы Finstore) працуе на рынку ад 2019. Уладальнікам ТАА «ДФС» з’яўляецца ТАА «Фінтэх Інвест», за якім стаяць інвестары з ААЭ.
За ўвесь час праз платформу было прыцягнута больш за 211 млн долараў інвестыцый для кампаній з некалькіх краін, а колькасць зарэгістраваных інвестараў перавышае 18 тысяч, больш за 95% з якіх складаюць фізічныя асобы.
Рэлацыраваліся? Цяпер вы можаце каментаваць без верыфікацыі акаўнта.
Так подождите. Было же такое уже. Британское право, биткойн-революция.
Я во временную петлю попал что-ли?