Эліс Блэр паступіла ў Масачусецкі тэхналагічны інстытут у 2023 годзе, але вырашыла кінуць вучобу. Яна перакананая, што вельмі хутка з’явіцца агульны ШІ (AGI), і ён нясе такія вялікія рызыкі для чалавецтва, што атрымліваць дыплом няма сэнсу.
Эліс Блэр паступіла ў Масачусецкі тэхналагічны інстытут у 2023 годзе, але вырашыла кінуць вучобу. Яна перакананая, што вельмі хутка з’явіцца агульны ШІ (AGI), і ён нясе такія вялікія рызыкі для чалавецтва, што атрымліваць дыплом няма сэнсу.
«Я баялася, што не дажыву да выпускнога праз AGI», — адзначыла дзяўчына. Зараз яна працуе на падрадзе тэхнічным пісьменнікам у некамерцыйным Цэнтры бяспекі ШІ (Center for AI Safety) і не збіраецца вяртацца ў ВНУ.
Гэта не адзінкавы выпадак. Forbes расказаў гісторыі некалькіх студэнтаў, якія вырашылі кінуць элітныя ВНУ з-за ШІ. Некаторыя задумваюцца аб тым, ці варта наогул вучыцца, пакуль тэхналогія развіваецца сямімільнымі крокамі. Іншыя непакояцца, што звышразумныя сістэмы могуць прывесці да катастрофы для людзей. Трэція проста хвалююцца за ўплыў ШІ на рынак працы, сваю кар’еру і працоўнае месца.
Напрыклад, яшчэ адзін студэнт мінулай восенню кінуў Гарвард і цяпер працуе ў арганізацыі Redwood Research, якая даследуе ШІ-сістэмы на прадмет патэнцыйных дзеянняў супраць чалавецтва. Яго брат, сусед і дзяўчына таксама сышлі з Гарварда і працуюць у OpenAI.
Пры гэтым па падліках Pew Research Center, моладзь хаця б з бакалаўрыятам за плячыма зарабляе мінімум на $20 тысяч у год больш, чым тыя, у каго дыплома няма. Сузаснавальнік Y Combinator Пол Грэм таксама нядаўна раіў не кідаць ВНУ дзеля працы ў стартапах.
Рэлацыраваліся? Цяпер вы можаце каментаваць без верыфікацыі акаўнта.
апять двадцать
вот что делает сила внушения (маркетинг)