Сорамна? Пра што айцішнікі не пішуць у рэзюмэ

«Пару разоў інтэрв’юеры здагадваліся, чым насамрэч я займаўся»

Аляксей (імёны змененыя), бэкэнд-распрацоўшчык, архітэктар, у ІТ — 15+ гадоў:

— Замяняю ў рэзюмэ імя адной кампаніі і род дзейнасці, бо рабіў там бэкэнд для adult-вэбкаму. 

Гэта было ў перыяд пандэміі: я прыйшоў у кампанію, якая пазіцыянавала сябе ў сферы забаў, і працаваў там, пакуль каранавірус не адступіў. У кампаніі было некалькі даччыных прадуктаў, многія далёкія ад adult-сферы, — вось адзін з іх я і пазначаю, каб эйчараў не бянтэжыць.

Пару разоў на тэхнічных сумоўях інтэрв’юеры па маіх адказах здагадваліся, чым насамрэч я займаўся, — такіх кампаній у свеце няшмат, а дадайце VR і адразу будзе зразумела: вэбкам. Пацешна, што яшчэ праз некалькі хвілін гэтыя тэхсумоўі скочваліся ў размовы «за жыццё» і роспыты пра самы трэ — і шок-кантэнт. 

З той кампаніі я звольніўся праз пару гадоў. Чаму — ды таму што ў іншай барыста лепш робіць каву (гэта жарт). Насамрэч «прадаўся» за лепшыя ўмовы.

«Тады мне здавалася, гэта добры досвед, які можа ўпрыгожыць рэзюмэ. Цяпер так не думаю»

Артур, Java-распрацоўшчык, у ІТ — 3+ гады:

— Будучы студэнтам БДУІР, выкладаў у адной ІТ-школе — devby.io пісаў пра яе.

Калі мой таварыш паклікаў мяне туды працаваць, мне здавалася, што гэта добры досвед, які можа ўпрыгожыць рэзюмэ. Але цяпер я так не думаю: у школы не найлепшая рэпутацыя. 

Я адвёў усяго адную групу — і сышоў. Нашае супрацоўніцтва мне не спадабалася амаль ад самага пачатку, але было шкада вучняў — не хацелася кідаць іх. Паралельна я працаваў у ІТ-кампаніі, так што мне ёсць, чым закрыць гэты перыяд у сваім рэзюмэ.

«Чаму ж вы не пазначылі, што працавалі там, вам сорамна?»

Герман, Product Manager, у ІТ — 10 гадоў:

— На пачатку сваёй працоўнай кар’еры трапіў у кампанію пры БРСМ (назва ў яе іншая). Прапрацаваў там нядоўга, у рэзюмэ гэты досвед ніколі не пазначаў — ну, бо да ІТ ён не меў дачынення.

Але неяк эйчарка ў адной кампаніі, куды я толькі-толькі ўладкаваўся і прынёс у першы дзень дакументы, адкрыла маю працоўную, скурчыла незадаволеную грымасу і сказала, што я нахлусіў у рэзюмэ. Далей вось такі дыялог:

— Ніякай хлусні! 

— А чаму ж вы не пазначылі, што працавалі вось там, вам сорамна?

— Не, проста нерэлевантны досвед.

— Ну-ну…

У кампаніі я прапрацаваў крыху больш за два гады, з задавальненнем успамінаю той час. Нуй надалей ніхто больш не сарамаціў мяне за той запіс у маёй працоўнай. Так і не зразумеў, што гэта было — можа, рэтраградны Меркурый. 

А вы пра які досвед хацелі б забыць?

«ТЗ — набор реалистичных анимаций, чтобы персонажи могли заниматься виртуальным сексом». Белорусские айтишники о проектах, про которые не расскажешь маме

По теме

«ТЗ — набор реалистичных анимаций, чтобы персонажи могли заниматься виртуальным сексом». Белорусские айтишники о проектах, про которые не расскажешь маме

«Чаще встречала подчиняющихся айтишников». Разработчица — о технологиях и фреймворках в БДСМ

По теме

«Чаще встречала подчиняющихся айтишников». Разработчица — о технологиях и фреймворках в БДСМ

БДСМ года. Голосуем за тех, кто любит пожёстче

По теме

БДСМ года. Голосуем за тех, кто любит пожёстче