Свежыя звальненні ў Microsoft найбольш закранулі праграмістаў

Згодна з дакументамі, якія трапілі ў распараджэнне выдання, у штаце Вашынгтон, дзе базуецца Microsoft, найбольшай катэгорыяй звольненых сталі праграмныя распрацоўшчыкі. Са скасааваных тут 2 тысяч пазіцый — гэта значыць траціны ад усіх — прыкладна 40% прыпадае менавіта на іх.

І гэта — на фоне росту інвестыцый у ШІ: Microsoft, як і яе канкурэнты, пераглядае структуру выдаткаў і перанакіроўвае фінансавыя патокі ў больш прыярытэтныя сферы. У прыватнасці, нядаўна кіраўніцтва кампаніі абвясціла, што будзе строга кантраляваць бюджэт на фоне велізарных інвестыцый у будаўніцтва ЦАДаў.

Тым часам у красавіку генеральны дырэктар Microsoft Сацья Надэла паведаміў, што ў некаторых праектах кампаніі прыблізна траціну кода піша ШІ.

Акрамя інжынераў, «пад нож» трапіла шмат людзей, якія кіравалі праграмнымі праектамі — напрыклад, продактаў і праграмных менеджараў. На іх у Вашынгтоне прыйшлося 30% звольненых. Суразмоўцы Bloomberg паведамляюць, што скарачэнні таксама закранулі менеджараў і супрацоўнікаў, занятых у ШІ-праектах. Доля спецыялістаў, арыентаваных на працу з кліентамі, напрыклад, маркетолагаў і сейлзаў, адносна невялікая. У Microsoft адмовіліся ад каментароў.