Тайланд уводзіць візы для аддаленых працаўнікоў

Тайланд уводзіць новую катэгорыю віз — Destination Thai Visa (DTV) — для замежнікаў, якія жадаюць застацца ў Тайландзе на працяглы перыяд і працаваць аддалена (workcation), піша Dzik Pic. Мэта — падтрымаць эканоміку.

Хто можа скарыстацца візай DTV:

• кваліфікаваныя спецыялісты, лічбавыя качэўнікі, фрылансеры;
• муж і жонка і законныя дзеці (да 20 гадоў) уладальнікаў DTV.

Патрабаванні:

• быць старэйшым за 20 гадоў;
• мець на ўвесь час знаходжання не менш за 500 тысяч бат ($13,6 тыс.). 

DTV дазваляе знаходжанне да 180 дзён за адное наведванне, візавы збор — 10 тысяч бат ($270), тэрмін дзеяння — 5 гадоў.  Знаходжанне можна падоўжыць адзін раз яшчэ на 180 дзён (за тыя ж 10 тысяч бат). Момант з прадаўжэннем не зусім ясны, але рэлаканты сцвярджаюць, што ў гэтым выпадку віза дазволіць знаходжанне да 360 дзён, пасля чаго яна проста анулюецца.

Афіцыйны працэс падачы заявы на візу DTV яшчэ не пацверджаны. Верагодна, падаць заяву можна будзе ў консульстве/пасольстве Тайланда. Дакладней стане вядома ў чэрвені-ліпені гэтага года.

Цяпер беларусам для ўезду ў Тайланд патрэбная загадзя аформленая віза.